RC15: టాలీవుడ్ స్టార్ ప్రొడ్యూసర్ మెగా పవర్ స్టార్ రామ్ చరణ్ సినిమాకు సంబంధించిన ఓ సాలీడ్ అప్‌డేట్ ఇచ్చారు. దీంతో ఇప్పుడు అందరూ ఆర్ఆర్ఆర్ సినిమా గురించి ఆలోచించరేమో అని మాట్లాడుకుంటున్నారట. అవును మరి గత నాలుగేళ్ళుగా ఈ సినిమా గురించి అటు నందమూరి అభిమానులు, ఇటు మెగా అభిమానులు ఎంతగానో ఎదురు చూస్తున్నారు. బాహుబలి సిరీస్ తర్వాత రాజమౌళి దర్శకత్వంలో రూపొందిన సినిమా కావడం..ఇందులో ఎన్.టి.ఆర్, రామ్ చరణ్ లాంటి ఇద్దరు టాప్ స్టార్ హీరోలతో పాటు హిందీ ఇండస్ట్రీలోని స్టార్స్ ఆలియా భట్, అజయ్ దేవగన్ లాంటి వారు నటించడంతో ప్రాజెక్ట్ మీద అసాధారణమైన అంచనాలు ఏర్పడ్డాయి.
సంక్రాంతి బరిలో జనవరి 7న దిగి కొత్త రికార్డులను నమోదు చేస్తూ ప్రపంచ వ్యాప్తంగా ఆర్ఆర్ఆర్ సినిమా గురించి కథలు కథలుగా చెప్పుకుంటూ ఉండేవారు. కానీ, ఆ ఆశలన్నిటీకి కరోనా కొత్త వైరస్ బ్రేక్ వేసి అంతా గందరగోళ పరిస్థితులను తీసుకువచ్చింది. ఇప్పటికే మూడుసార్లు రిలీజ్ పోస్ట్ పోన్ అయిన ఆర్ఆర్ఆర్ మళ్ళీ వాయిదా పడేసరికి జనాలలో వచ్చిన ఉక్రోషం అంతా ఇంతా కాదు. కానీ ఇది ప్రకృతి వైపరిత్యం కావడంతో అందరూ కోపాన్ని అణచుకున్నారు.
RC15: ఎట్టి పరిస్థితుల్లో ఆర్సీ 15 మూవీని వచ్చే సంవత్సరం సంక్రాంతికి రిలీజ్.
ఇలాంటి సమయంలో చరణ్, తారక్ కొత్త ప్రాజెక్ట్శ్ మొదలు పెట్టే ప్రయత్నాలు ముమ్మరంగా చేస్తున్నారు. ఇప్పటికే చరణ్, శంకర్, దిల్ రాజు కాంబినేషన్‌లో ఓ భారీ పాన్ ఇండియన్ సినిమా తెరకెక్కుతోంది. ఇప్పటికే రెండు షెడ్యూల్స్ పూర్తయ్యాయి. ఇటీవలే చెన్నైలో కొత్త షెడ్యూల్ కూడా మొదలైంది. అయితే ఈ సినిమా రావడానికి ఇంకా రెండేళ్ళు పడుతుందని అందరూ మాట్లాడుకుంటున్నారు. ఇలాంటి సమయంలో దిల్ రాజు..ఎట్టి పరిస్థితుల్లో ఆర్సీ 15 మూవీని వచ్చే సంవత్సరం సంక్రాంతికి రిలీజ్ చేయనున్నట్టు ప్రకటించి సర్‌ప్రైజ్ చేశారు. దాంతో ఇప్పుడు ఆర్ఆర్ఆర్ కంటే ఆర్సీ 15 గురించే చర్చలు బాగా జరుగుతున్నాయట.
