NBK 108: తెలుగు సినిమా రంగంలో కామెడీ నేపథ్యంలో అద్భుతంగా చిత్రీకరించడంలో డైరెక్టర్ అనిల్ రావిపూడి స్టైలే వేరు. ఒకపక్క కమర్షియల్ ఎలిమెంట్స్ మిస్ అవ్వకుండా మరోపక్క హీరో ఇమేజ్ డ్యామేజ్ కాకుండా.. సినిమా థియేటర్ కి వచ్చే ప్రేక్షకులను మంచి ఎంటర్టైన్మెంట్ తో తన సినిమాలతో అలరిస్తాడు. అటువంటి అనిల్ రావిపూడి ఇప్పుడు నటసింహం నందమూరి బాలయ్య బాబుతో సినిమా చేయడానికి రెడీ అవుతున్నారు. గతంలోనే వీరిద్దరి కాంబినేషన్ లో సినిమా వస్తున్నట్లు అధికారిక ప్రకటన రావడం తెలిసిందే.
“NBK 108” వర్కింగ్ టైటిల్ తో రానున్న ఈ సినిమా.. షూటింగ్ డిసెంబర్ నెలలో ప్రారంభం కానున్నట్లు తాజాగా అనిల్ రావిపూడి తెలియజేశారు. ఇటీవల ఓ వెబ్ సైట్ కి ఇచ్చిన ఇంటర్వ్యూలో మాట్లాడుతూ… డిసెంబర్ 8వ తారీఖు నుండి ఫస్ట్ షెడ్యూల్ షూటింగ్ స్టార్ట్ కానున్నట్లు స్పష్టం చేశారు. బాలకృష్ణ గారి తీరు వేరు.., నా సినిమాల తీరు వేరు. వాటన్నిటిని దృష్టిలో పెట్టుకుని స్క్రిప్ట్ చాలా జాగ్రత్తగా తయారు చేయడం జరిగింది. నా మార్క్ ఎంటర్టైన్మెంట్ తో పాటు బాలకృష్ణ గారి ఎమోషనల్ తో కూడిన యాక్షన్ మిస్ అవకుండా అభిమానులు కోరుకునే రీతిలో సినిమా ఉండబోతున్నట్లు స్పష్టం చేశారు.
ఆయన క్యారెక్టర్ సినిమాలో కామెడీ పండించదు. కానీ కొన్ని సందర్భాలలో… నవ్వు తెప్పిస్తుంటది అని.. అనిల్ రావిపూడి తెలియజేశారు. బాలకృష్ణగారికి ఉన్న క్రేజ్ వేరు .. నా మార్కు వేరు .. ఇద్దరిదీ చెరో దారి. ఈ కాంబినేషన్ లో సినిమా అంటే.. అందరికీ ఆసక్తి కలిగిస్తుంది. కానీ ఎక్కడా కూడా ఏదీ లోటు లేకుండా స్క్రిప్ట్ విషయంగా చాలా జాగ్రత్తలు తీసుకోవడం జరిగింది అని చాలా కొత్తగా బాలకృష్ణ అని చూపించబోతున్నట్లు అనిల్ రావిపూడి ఇంటర్వ్యూలో పేర్కొన్నారు.