Waltair Veerayya: విశాఖలో “వాల్తేరు వీరయ్య” ప్రీ రిలీజ్ వేడుక అభిమానుల మధ్య అంగరంగ వైభవంగా జరిగింది. ఈ కార్యక్రమంలో డైరెక్టర్ బాబీ చేసిన వ్యాఖ్యలు కలకలం రేపుతున్నాయి. చిరంజీవి అభిమానిగా ఇంద్ర సినిమా చూసిన తర్వాత తన జీవిత లక్ష్యం ఏమిటి అనేది అర్థమైంది దాంతోనే ఇండస్ట్రీకి రావడం జరిగిందని తెలిపాడు. ఇదే సమయంలో చిరంజీవి గారికి తన తండ్రి వీరాభిమాని అని చెప్పుకొచ్చారు. ఇండస్ట్రీలో అడుగు పెట్టాక చిరంజీవి గారితో సినిమా చేసే అవకాశం వచ్చింది. గూగుల్ లో నాకంటూ కొన్ని పేజీలు పుట్టుకొచ్చాయి. ఇంతకంటే ఇంకేం కావాలి. రాజకీయాలలో ఎదురు దాడి చేయరు. ఎందుకని నేను ఒక్కసారి చిరంజీవి గారిని అడిగితే వాళ్లకి అమ్మానాన్నలు అక్కాచెల్లెళ్ళు ఉంటారు వాళ్ళు బాధపడతారు అని చెప్పుకొచ్చారు.
ఆయన మంచితనం… అలాంటిది అని నాకు అప్పుడు అర్థమయింది. అన్నయ్య రాజకీయాలు మీకు వన్ పర్సెంట్ కూడా కరెక్ట్ కాదు. దేవుడు మీకు ఒక తమ్ముడిని ఇచ్చాడు. ఆయన చూసుకుంటాడు. ఆయనే సమాధానం చెబుతాడు. గట్టిగా నిలబడతాడు. మీలోని ఆవేశం మంచితనం కలిస్తే పవన్ కళ్యాణ్. మాటకి మాట కత్తికి కత్తి పవర్ స్టార్. ఇండస్ట్రీలో ఈరోజు నేను ఈ స్థాయికి రావటానికి ప్రధాన కారణం రవితేజనే. ఆయనతో చేసిన పవర్ సినిమా వల్ల.. నాకు అవకాశాలు వచ్చాయి అంటూ సభ వేదికగా దర్శకుడు బాబీ కృతజ్ఞతలు తెలియజేశారు.
సంక్రాంతి కానుకగా జనవరి 13వ తారీకు “వాల్తేరు వీరయ్య” రిలీజ్ కానుంది. దాదాపు 20 సంవత్సరాల తర్వాత రవితేజ చిరంజీవి ఫుల్ లెన్త్ లో ఈ సినిమాలో కనిపిస్తూ ఉండటంతో మెగా మరియు రవితేజ అభిమానులు ఈ సినిమాపై భారీ అంచనాలు పెట్టుకున్నారు. ఈ క్రమంలో డైరెక్టర్ బాబీ చేసిన వ్యాఖ్యలు ఇండస్ట్రీలో అటు ఏపీ రాజకీయాల్లో సంచలనంగా మారాయి.