NBK 107: నటసింహం నందమూరి బాలయ్య బాబు నటిస్తున్న సినిమా “NBK 107”. గోపీచంద్ మలినేని దర్శకత్వంలో తరికేకుతున్న ఈ సినిమా షూటింగ్ చాలా శరవేగంగా సాగుతోంది. “NBK 107” వర్కింగ్ టైటిల్ పేరిట తెరకెక్కుతున్న ఈ సినిమాలో బాలయ్య సరసన శృతిహాసన్ హీరోయిన్. ఈ సినిమాకి సంబంధించి షూటింగ్ కర్నూలు వెంకటరకిలో గత కొద్ది నెలలుగా జరుగుతూ ఉంది. టర్కీలో కొన్ని సాంగ్స్ షూట్ చేయడం జరిగింది. కర్నూలు జిల్లాలో కూడా యాక్షన్ సన్నివేశాలతో పాటు సాంగ్స్ షూట్ చేశారు.
అయితే ఈ సినిమాకి సంబంధించి టైటిల్ ప్రకటన విషయంలో రకరకాల పేర్లు సోషల్ మీడియాలో వైరల్ అవుతున్నాయి. ఇలాంటి తరుణంలో దర్శకుడు గోపీచంద్ మలినేని సోషల్ మీడియా ద్వారా అక్టోబర్ 21 వ తారీకు సాయంత్రం టైటిల్ ప్రకటన ఉండబోతున్నట్లు ఫోటో రిలీజ్ చేశారు. టాలీవుడ్ ఇండస్ట్రీలో మొట్టమొదటిసారి టైటిల్ లోగో లాంచ్ కర్నూలు నగరం కొండారెడ్డి బురుజు సెంటర్ వద్ద జరగబోతున్నట్లు పేర్కొన్నారు. అక్టోబర్ 21 వ తారీకు సాయంత్రం 8:15 నిమిషాలకు.. టైటిల్ ప్రకటన కర్నూలు కొండారెడ్డి బురుజు దగ్గర అని ఫోటో రిలీజ్ చేయడం జరిగింది.
రెడ్డిగారు, జై బాలయ్య అనే టైటిల్ లు ప్రచారంలో ఉన్నాయి. ఇండస్ట్రీలో ఒక్క పరాజయం లేని దర్శకుడిగా పేరున్న గోపీచంద్ మలినేని… తీస్తూ ఉండటంతో “NBK 107” పై భారీ అంచనాలు ఏర్పడ్డాయి. ఈ సినిమాలో బాలయ్య బాబునీ చాలా వైవిధ్యంగా పవర్ ఫుల్ పాత్రలో చూపిస్తున్నారు. ఇప్పటికే విడుదలైన ఫోటోలు మరియు గ్లింప్స్ వీడియో ప్రేక్షకులను ఎంతగానో ఆకట్టుకుంది. మరి టైటిల్ ఏ రకంగా ఉంటుందో చూడాలి. ఈ సినిమా ఈ ఏడాది డిసెంబర్ లేదా సంక్రాంతి పండుగకు విడుదల చేసే ఆలోచనలో సినిమా యూనిట్ ఉంది.