RC 15: 2009వ సంవత్సరంలో రాజమౌళి(Rajamouli) దర్శకత్వంలో రామ్ చరణ్(Ram Charan) నటించిన “మగధీర”(Magadheera) ఇండస్ట్రీ హిట్ అవడం తెలిసిందే. ఈ సినిమా విజయంతో చరణ్ కి మంచి గుర్తింపు వచ్చింది. చిరంజీవి వారసుడిగా పూరి జగన్నాథ్ దర్శకత్వంలో “చిరుత” తో ఎంట్రీ ఇచ్చిన చెర్రీ.. మొదటి సినిమాతో పర్వాలేదనిపించాడు. ఇక రెండో సినిమాతో మాత్రం.. అందరినీ ఆశ్చర్యపరిచాడు. మగధీరలో అన్నిటికంటే హైలెట్ సెకండ్ హాఫ్ లో వచ్చే వందమంది ఫైట్. రామ్ చరణ్ 100 మందితో ఒక్కడే చేసే ఫైట్ సినిమాకి హైలెట్ గా నిలిచింది. అప్పట్లో రాజమౌళి టేకింగ్ కి ఈ ఫైట్ తో సినిమా థియేటర్ లు దద్దరిల్లాయి.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఇదిలా ఉంటే ఇప్పుడు రామ్ చరణ్ … తమిళ సెన్సేషనల్ డైరెక్టర్ శంకర్(Shankar) దర్శకత్వంలో సినిమా చేస్తున్న సంగతి తెలిసిందే. ఈ సినిమాలో “మగధీర” తరహాలో ఏకంగా వెయ్యి మందితో శంకర్ ఫైట్ ప్లాన్ చేయటం జరిగింది అంట. హాలీవుడ్ ప్రొఫెషనల్ ఫైటర్స్ సంరక్షణలో ఈ ఫైట్ సీన్.. అత్యాధునిక టెక్నాలజీ కెమెరాలతో చిత్రీకరించనున్నట్లు సమాచారం. ఈ ఫైట్ సీక్వెన్స్ సన్నివేశం కోసం.. భారీగా ఖర్చు చేయనున్నట్లు టాక్. ఒక ఫైట్ మాత్రమే కాదు ఒక సాంగ్ కోసం దాదాపు 400 మంది.. డాన్సర్లతో రామ్ చరణ్ స్టెప్పులు వెయ్యబోతున్నారట.
బాలీవుడ్ కొరియోగ్రాఫర్ ఆధ్వర్యంలో ఈ పాట చిత్రీకరణ జరగనుందట. ప్రస్తుతం సినిమాకి సంబంధించి షూటింగ్ శరవేగంగా సాగుతోంది. వచ్చే ఆగస్టులో చిరంజీవి పుట్టినరోజు నాడు టైటిల్ తో కూడిన పోస్టర్ లేదా వీడియో రిలీజ్ చేయాలని సినిమా యూనిట్ ప్లాన్ చేసినట్లు సమాచారం. శంకర్ దర్శకత్వంలో చరణ్ హీరోగా జరకెక్కుతున్న ఈ సినిమాకి మ్యూజిక్ డైరెక్టర్ తమన్. హీరోయిన్ కీయరా అద్వానీ. దిల్ రాజు నిర్మిస్తున్నారు. పాన్ ఇండియా నేపథ్యంలో తెరకెక్కుతున్న ఈ చిత్రంలో కమెడియన్ సునీల్ కూడా నటిస్తున్నారు. “RRR”తో చరణ్ భారీ విజయం సాధించటంతో “RC 15” పై అభిమానులకు భారీ అంచనాలు నెలకొన్నయి.