# RC 15: మెగా పవర్ స్టార్ రామ్ చరణ్ డ్యూయల్ రోల్లో కనిపించి సర్ ప్రైజ్ చేయబోతున్నారా? ఇప్పుడు అవుననే సోషల్ మీడియాలో వార్తలు వస్తున్నాయి. శంకర్..ఆయన తెరకెక్కించే సినిమాలలో హీరో పాత్రను విభిన్న కోణాల్లో ఆవిష్కరించడం ప్రత్యేకత. ఇప్పటి వరకు రజనీకాంత్, అర్జున్, విక్రమ్ వంటి స్టార్ హీరోలను ఎంత విలక్షణంగా ప్రెజెంట్ చేశారో అందరికీ తెలిసిందే. రోబో – ఐ – 2.0 వంటి భారీ చిత్రాలలో శంకర్ హీరోలను ఎంత వెరైటీగా చూపించారో అందరికీ తెలిసిందే. ఇప్పుడు చరణ్ హీరోగా నటిస్తున్న ఆర్సి 15 అంతకమించి అనేట్టుగా శంకర్ చరణ్ను రెండు విభిన్న పాత్రల్లో చూపించబోతున్నారట.
క్రియేటివ్ జీనియస్ శంకర్ దర్శకత్వంలో తెరకెక్కుతున్న ఈ భారీ బడ్జెట్ పొలిటికల్ థ్రిల్లర్ ప్రస్తుతం షూటింగ్ జరుగుతుండగా, చరణ్ ఈ తాజా షెడ్యూల్లో పాల్గొంటున్నారు. ఇక తాజా సమాచారం మేరకు.. చరణ్ ఆర్సి 15 సినిమాలో డ్యూయల్ లుక్ లో కనిపించబోతున్నాడని టాక్ వినిపిస్తోంది. అంతేకాదు, ఈ రెండు లుక్స్లో చాలా వేరియేషన్ ఉంటుందని సమాచారం. ఇందులో ఒక లుక్ బ్యూరోక్రాట్గా కనిపించనుండగా.. మరో లుక్లో క్యాజువల్ స్టైలిష్ లుక్లో కనిపించనున్నాడట. ఆర్సి 15 పాన్-ఇండియా స్థాయిలో తెరకెక్కుతున్న భారీ బడ్జెట్ సినిమా.
# RC 15: సంక్రాంతికి రిలీజ్ అవుతుందా..?
ఈ సినిమా కోసం దిల్ రాజు తన సోదరుడు శిరీష్తో కలిసి దాదాపు రూ 400 కోట్లు ఖర్చు చేయనున్నట్టు తెలుస్తోంది. ఇక ఈ ఇందులో చరణ్ సరసన కియారా అద్వానీ కథానాయికగా నటిస్తోంది. ఈ సినిమా 2023 సంక్రాంతి సీజన్లో విడుదల కానుందని అఫీషియల్గా నిర్మాత దిల్ రాజు ఇప్పటికే ప్రకటించారు. అయితే, శంకర్ భారతీయుడు 2 చిత్రీకరణను పూర్తి చేయాల్సి ఉంది. అలాగే, బాలీవుడ్లో అపరిచితుడు రీమేక్ చేస్తున్నారు. ఈ సినిమా కూడా సెట్స్ మీదకి తీసుకురావాల్సి ఉంది. ఈ నేపథ్యంలో దిల్ రాజు ప్రకటించినట్టు ‘ఆర్సి 15’ 2023, సంక్రాంతికి రిలీజ్ అవుతుందా లేదా చూడాలి.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!