పుష్ప సెకండ్ పార్ట్ షూటింగ్ స్టార్ట్ చేయకముందే “పుష్ప 3” కి సుకుమార్ సంచలన ప్లాన్..??

సుకుమార్ దర్శకత్వంలో ఫస్ట్ టైం పాన్ ఇండియా నేపథ్యంలో తెరకెక్కిన పుష్ప ఊహించని విజయం సాధించడం తెలిసిందే. గత ఏడాది డిసెంబర్ నెలలో విడుదలైన ఈ సినిమా దేశంలోనే కాదు ప్రపంచవ్యాప్తంగా మంచి గుర్తింపు సంపాదించింది. అసలు బాలీవుడ్ ఇండస్ట్రీలో ఎటువంటి ప్రమోషన్ కార్యక్రమాలు చేయకుండానే.. ఏకంగా 100 కోట్లు కలెక్ట్ చేయడం అందరిని ఆశ్చర్యపరిచింది. “పుష్ప” పాటలు మరియు డైలాగులు బన్నీ మేనరిజం.. భాషలకు ప్రాంతాలకు అతీతంగా అందరిని ఆకట్టుకోవడం జరిగింది.

“పుష్ప 2″లో పవన్ కళ్యాణ్ విలన్..!!

ముఖ్యంగా తగ్గేదేలే.. డైలాగ్ ప్రపంచవ్యాప్తంగా వైరల్ గా మారి.. సినిమాకి మంచి గుర్తింపు తీసుకురావడం జరిగింది. అంత మాత్రమే కాదు సినిమాలో సమంత ఐటెం సాంగ్ “ఉ అంటావా” ఒక ఊపు ఉపింది. దీంతో ఇప్పుడు సెకండ్ పార్ట్ కోసం ప్రపంచవ్యాప్తంగా సినీ ప్రేమికులు వెయిట్ చేస్తున్నారు. వచ్చే నెల నుండి ఈ సినిమా షూటింగ్ స్టార్ట్ కానున్నట్లు సమాచారం. ఇదిలా ఉంటే పుష్ప రెండో భాగం కంప్లీట్ కాకముందే డైరెక్టర్ సుకుమార్ “పుష్ప 3” ప్లాన్ రెడీ చేసినట్లు వార్తలు వస్తున్నాయి.

విషయంలోకి వెళ్తే రెండో భాగంలో అల్లు అర్జున్ తండ్రి కొడుకుల పాత్రలో కనిపించనున్నారట. తండ్రిగా 50 సంవత్సరాల వయసున్న వ్యక్తిగా బన్నీ నటించనున్నట్లు టాక్. సో దీన్నిబట్టి సెకండ్ పార్ట్ చివరిలో సుకుమార్ తనదైన శైలిలో ట్విస్ట్ పెట్టి “పుష్ప 3” ప్లాన్ రెడీ చేసినట్లు వార్తలు వస్తున్నాయి. సేమ్ కేజిఎఫ్ తరహాలోనే పుష్ప విషయంలో సుకుమార్ ఆలోచనలు చేస్తున్నట్లు సౌత్ ఫిలిం ఇండస్ట్రీలో వార్తలు వైరల్ అవుతున్నాయి. ఇలా ఉంటే పుష్ప సెకండ్ పార్ట్ ఇండియాలో ఏ సినిమా విడుదల చేయని రీతిలో చాలా భాషలలో విడుదల చేయడానికి సన్నాహాలు చేస్తున్నారు.