DJ Tillu: టాలెంటెడ్ హీరో సిద్ధు జొన్నలగడ్డ, నేహా శెట్టి జంటగా నటించిన తాజా చిత్రం `డీజే టిల్లు`. విమల్ కృష్ణ దర్శకత్వం వహించిన ఈ చిత్రాన్ని సితార ఎంటర్టైన్మెంట్స్, ఫార్చున్ ఫోర్ సినిమాస్ బ్యానర్లపై సూర్యదేవర నాగ వంశీ నిర్మించారు. ప్రిన్స్ సెసిల్, బ్రహ్మాజీ, ప్రగతి, నర్రా శ్రీనివాస్ కీలక పాత్రలను పోషించిన ఈ సినిమాకు శ్రీ చరణ్ పాకల సంగీతం అందించారు.
ఫిబ్రవరి 12న విడుదలైన ఈ చిన్న సినిమా.. పెద్ద విజయం సాధించింది. ఇండస్ట్రీలోకి వచ్చిన పన్నెండేళ్లకు ఈ మూవీతో సిద్ధు హిట్ అందుకున్నాడు. మాస్ మహారాజ్ రవితేజ నటించిన `ఖిలాడి` చిత్రం పోటీలో ఉన్నా.. టాక్ బాగుండటం వల్ల డీజే టిల్లు బాక్సాఫీస్ వద్ద భారీ కలెక్షన్లను రాబట్టి దుమ్ము దులిపేసింది.
రూ. 9. 50 కోట్ల టార్గెట్తో బరిలోకి దిగిన ఈ చిత్రం రెండు వారాల్లో ఏకంగా రూ. 16 కోట్లకు పైగా షేర్ వసూల్ చేసి నిర్మాతలకు భారీ లాభాలను అందించింది. ఇకపోతే ఇప్పుడీ సినిమా ఓటీటీలో సందడి చేసేందుకు సిద్ధం అవుతోంది.
ప్రముఖ తెలుగు ఓటీటీ సంస్థ ఆహా `డీజే టిల్లు` డిజిటల్ రైట్స్ సాలిడ్ రేటుకు సొంతం చేసుకుంది. ఈ విషయాన్ని ఆహా టీమ్ అధికారికంగా కూడా తెలియజేసింది. ఇక మార్చి 11న ఈ సినిమాను ఆహాలో రిలీజ్ చేయనున్నాడని టాక్ నడుస్తోంది. అయితే దీనిపై అధికారిక ప్రకటన రావాల్సి ఉంది.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!