RRR: యంగ్ టైగ‌ర్ ఎన్టీఆర్, మెగా ప‌వ‌ర్ స్టార్ రామ్ చరణ్ క‌లిసి న‌టించిన భారీ మ‌ల్టీస్టార‌ర్ చిత్రం `ఆర్ఆర్ఆర్`. ద‌ర్శ‌క‌ధీరుడు రాజమౌళి తెర‌కెక్కించిన ఈ చిత్రాన్ని డివివి ఎంటర్టైన్మెంట్స్ బ్యాన‌ర్‌పై డివివి దాన‌య్య భారీ బ‌డ్జెట్‌తో నిర్మించారు. చ‌రిత్ర‌లో ఎన్న‌డూ క‌ల‌వ‌ని స్వాతంత్ర్య సమరయోధులు అల్లూరి సీతారామరాజు, కొమురం భీమ్ లు క‌లిసి ప్ర‌జ‌ల కోసం బ్రిటీష్ వారి ఎలా పోరాటం చేశారు అన్న కల్పిత క‌థ ఈ చిత్రాన్ని రూపొందించారు.
ఇందులో భీమ్‌గా ఎన్టీఆర్, రామ్‌గా చ‌ర‌ణ్‌లు క‌నిపించ‌బోతుండ‌గా.. వీరి స‌ర‌స‌న బాలీవుడ్ భామ ఆలియా భట్, హాలీవుడ్ బ్యూటీ ఒలీవియా మోరిస్ హీరోయిన్లుగా న‌టించారు. ప్ర‌పంచ‌వ్యాప్తంగా భారీ అంచ‌నాలు ఉన్న ఈ చిత్రం మార్చి 25న గ్రాండ్‌గా విడుద‌ల కాబోతోంది. ఈ నేప‌థ్యంలోనే రాజమౌళి.. చరణ్, ఎన్టీఆర్‌ల‌తో క‌లిసి జోరుగా ప్ర‌మోష‌న్స్ నిర్మిస్తున్నారు.
అయితే తాజాగా ఇద్దరు హీరోల‌తో క‌లిసి ఓ ఇంట‌ర్వ్యూలో పాల్గొన్న రాజ‌మౌళిని.. ఓ రిపోర్ట‌ర్ `ఆర్ఆర్ఆర్ లో ఆలియా భట్ నే ఎందుకు తీసుకున్నారు..?` అని ప్ర‌శ్నించాడు. అందుకు ఆయ‌న బ‌దులిస్తూ.. ఆలియా లుక్స్ చూసి ఆమెను సీత పాత్రకు ఎంచుకోలేదు. నేను రాసుకున్న కథలో సీత పాత్రకి.. ముఖం చూడగానే సాయం చేయాలనే అమాయకత్వం కనిపించాలి.
అదే విధంగా నీరు, నిప్పు అనే ఇద్దరు వ్యక్తులను అదుపు చేయగలిగే మనోధైర్యం ఉండాలి. ఇవన్నీ ఆలియాలో ఉన్నాయి. ఆలియా భట్ వ్యక్తిత్వాని, సీత పాత్రకు చాలా ద‌గ్గ‌ర పోలిక‌లు ఉంటాయి. అందుకే ఆమెను ఎంపిక చేసుకున్నా` అంటూ అస‌లు కార‌ణాన్ని రాజమౌళి బ‌య‌ట పెట్టారు. దీంతో ఈయ‌న కామెంట్స్ నెట్టింట వైర‌ల్‌గా మారాయి.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!