RRR: ఇంకొన్ని గంటలే…నాలుగేళ్ళ నుంచి మెగా, నందమూరి అభిమానులతో పాటు కామన్ ఆడియన్స్, అన్నీ ఇండస్ట్రీ వర్గాలు ఎంతో ఆతృతగా ఎదురుచూస్తున్న నిరీక్షణకు తెరపడబోతోంది. దర్శకధీరుడు ఎస్ ఎస్ రాజమౌళి ఎంతో ప్రతిష్టాత్మకంగా ఇండియా లోనే బిగ్గెస్ట్ సినిమాగా రూపొందించిన మాగ్నమ్ ఓపస్ ‘ఆర్.ఆర్.ఆర్’. ఇంకొన్ని గంటల్లో పద్నాలుగు భాషలలో ఊహించనన్ని థియేటర్స్‌లో ప్రేక్షకుల ముందుకు రాబోతోంది. యూఎస్ఏలో ఈ గురువారం ప్రీమియర్ షోలు పడడానికి రెడీ అయింది. ఇక ఇండియా లో కూడా పెయిడ్ ప్రీమియర్స్ కోసం భారీగా ఏర్పాట్లు చేస్తున్నారు.
అయితే గత వారం పది రోజులుగా ఆర్ఆర్ఆర్ మొట్టమొదటి ప్రీమియర్ షోను ఎక్కడ వేస్తారనే ఆసక్తి ప్రతీ ఒక్కరిలోనూ ఉంది. ఇది మన తెలుగు పాన్ ఇండియన్ సినిమా కాబట్టి హైదరాబాద్‌లో ఐమాక్స్ 3డిలో మొదటి ప్రీమియర్ షో వేస్తారని ప్రచారం జరిగింది. లేదంటే కూకట్ పల్లిలోని భ్రమరాంభిక థియేటర్‌లో అర్థరాత్రి 12 గంటల తర్వాత వేస్తారని టాక్ వినిపించిది. అయితే, ఇప్పుడు కొత్తగా వినిపిస్తున్న టాక్ ప్రకారం ముంబైలో వేస్తారని సోషల్ మీడియాలో వినిపిస్తోంది. బాలీవుడ్ మార్కెట్ మీద పట్టు సాధించడానికే ఫస్ట్ ప్రీమియర్ షో అక్కడ ప్లాన్ చేసినట్టు సమాచారం.
RRR: భారీగా పెరిగిన టికెట్ రేట్ మూలంగా జనాలలో అసంతృప్తి
కానీ, ముంబైలో వేసినా కూడా హైదరాబాద్‌లో కూడా ప్రీమియర్స్ భారీ స్థాయిలో అత్యధిక స్క్రీన్స్‌లో ఆర్ఆర్ఆర్ ప్రీమియర్స్ పడనున్నట్టు తెలుస్తోంది. మరి రెండు తెలుగు రాష్ట్రాలలో భారీగా పెరిగిన టికెట్ రేట్ మూలంగా జనాలలో అసంతృప్తి కూడా ఉంది. మెగా పవర్ స్టార్ రామ్ చరణ్, యంగ్ టైగర్ ఎన్.టి.ఆర్ హీరోలుగా నటించిన ఈ సినిమాపై అసాధారణమైన అంచనాలు ఏర్పడ్డాయి. మరి బాహుబలి సిరీస్‌తో తెలుగు చిత్రపరిశ్రంలో కొత్త చరిత్ర సృష్ఠించిన రాజమౌళి ఇప్పుడు వస్తున్న ఆర్ఆర్ఆర్ సినిమాతో ఎలాంటి సంచలనం సృష్ఠిస్తారో చూడాలి. డీవీవీ దానయ్య రూ.450 కోట్ల భారీ బడ్జెట్‌తో నిర్మించిన ఈ సినిమాకి ఎం ఎం కీరవాణి సంగీత దర్శకుడు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!