సినిమా

RRR: `ఆర్ఆర్ఆర్‌` నుంచి న‌యా అప్డేట్‌.. ఫిదా అయిపోయిన ఫ్యాన్స్‌!

Share

RRR: యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ క‌లిసి న‌టించిన తాజా చిత్రం `ఆర్ఆర్ఆర్‌(రౌద్రం రణం రుధిరం)`. ద‌ర్శ‌క‌ధీరుడు రాజ‌మౌళి ద‌ర్శ‌క‌త్వంలో రూపుదిద్దుకున్న ఈ బిగ్గెస్ట్ మ‌ల్టీస్టార‌ర్ చిత్రాన్ని డివివి ఎంటర్టైన్మెంట్స్ బ్యాన‌ర్‌పై డివివి దాన‌య్య నిర్మించారు. బాలీవుడ్ భామ అలియా భ‌ట్‌, హాలీవుడ్ బ్యూటీ ఒలీవియా మోరిస్ హీరోయిన్లుగా న‌టించ‌గా.. అజ‌య్ దేవ్గ‌న్‌, శ్రియా కీల‌క పాత్ర‌ల‌ను పోషించారు.

గ‌త ఏడాదే షూటింగ్ కంప్లీట్ చేసుకున్న ఈ చిత్రం మార్చి 25న గ్రాండ్‌గా రిలీజ్ కానుంది. ఈ నేప‌థ్యంలోనే ప్ర‌మోష‌న్స్ షురూ చేసిన మేక‌ర్స్‌.. తాజాగా ఓ న‌యా అప్డేట్‌ను బ‌య‌ట‌కు వ‌దిలారు. పూర్తి వివ‌రాల్లోకి వెళ్తే.. ఆర్ఆర్ఆర్ నుంచి `ఎత్తర జెండా` అనే సెలబ్రేషన్‌ యాంథమ్ సాంగ్‌ను మార్చి 14న రిలీజ్ చేయ‌బోతున్న‌ట్లు ఇప్ప‌టికే మేక‌ర్స్ ప్ర‌క‌టించారు.

అయితే ఇప్పుడు ఆ సాంగ్ ప్రోమోను చిత్ర టీమ్ రిలీజ్ చేసింది. `నెత్తురు మరిగితే ఎత్తెర జెండా.. సత్తువ ఉరిమితే కొట్టర కొండా` అంటూ సాగిన ఈ ప్రోమో అభిమానుల‌తో పాటు సినీ ప్రియులంద‌రినీ ఫిదా చేసింది. ఇందులో ఎన్టీఆర్‌, చ‌ర‌ణ్‌, ఆలియాలు ఎంతో అందంగా క‌నిపించి ఆక‌ట్టుకున్నారు.

ఈ పాటకు కీరవాణి బాణీలు అందించగా, రామజోగయ్యశాస్త్రి సాహిత్యం సమకూర్చారు. కాగా, స్వాతంత్ర్య సమరయోధులు అల్లూరి సీతారామరాజు, కొమురం భీమ్ జీవితాల ఆధారంగా క‌ల్పిత క‌థ‌తో రూపుదిద్దుకున్న ఈ సినిమాపై ప్ర‌పంచ‌వ్యాప్తంగా భారీ అంచ‌నాలు ఉన్నాయి.


Share

Related posts

బిగ్ బాస్ 4 : అవినాష్ రెమ్యునరేషన్ తెలిస్తే నోరు తెరుస్తారు..! అంత డబ్బు దేనికి ఉపయోగపడింది అంటే….

arun kanna

లెజెండ్స్ ఇద్దరు ఒక్కచోటే .. ఇది కదా ఇండస్ట్రీకి కావాల్సింది ..!

GRK

అనిల్ రావిపుడి కి పరమ బ్యాడ్ టైం అంటే ఇదేనేమో ..?  

GRK