Jr Ntr rejected movies : ఇండస్ట్రీలో ప్రస్తుతం ఎంతో మంది అభిమానులను సొంతం చేసుకుని మంచి గుర్తింపును సంపాదించుకున్న వారిలో యంగ్ టైగర్ ఎన్టీఆర్ ఒకరు. కానీ ఇండస్ట్రీలో ఎన్టీఆర్ గురించి ఒక మాట ఎప్పుడూ వినబడుతూంటుంది. ఎన్టీఆర్ ఏదైనా సినిమాల కథ విని ఆ సినిమా చేయకుండా వదులుకుంటే ఆ సినిమా ఖచ్చితంగా బ్లాక్ బస్టర్ హిట్ సాధిస్తుంది. ఈ విధంగా ఎన్టీఆర్ కథలు విని చేయకుండా వదులుకున్న సినిమాలు బ్లాక్ బాస్టర్ హిట్ అయ్యాయి. అయితే ఎన్టీఆర్ చేయకుండా వదిలేసిన ఆ సూపర్ హిట్ సినిమాలు ఏమిటో ఇక్కడ తెలుసుకుందాం…
1) దిల్ :నితిన్ హీరోగా వి.వి వినాయక్ దర్శకత్వంలో దిల్ రాజు నిర్మాతగా వ్యవహరించిన సినిమా “దిల్”. 2003లో విడుదలైన ఈ సినిమా బ్లాక్ బస్టర్ అయ్యింది. అయితే ముందుగా ఈ సినిమాను దర్శకుడు ఎన్టీఆర్ చెప్పగా ఎన్టీఆర్ ఈ సినిమాను చేయడానికి ఒప్పుకోలేదు. ఆ తర్వాత ఈ సినిమాలో హీరోగా నితిన్ ని ఎంపిక చేసుకున్నారు. ఈ సినిమాను నిర్మించిన తరువాత నిర్మాత రాజుకి”దిల్ రాజు” అనే పేరు వచ్చింది.
2) ఆర్య: సుకుమార్ దర్శకత్వంలో తెరకెక్కిన ప్రేమ కథా చిత్రం ఆర్య. ఈ సినిమా ఎలాంటి విజయాన్ని అందుకుందో అందరికీ తెలిసిందే. ముందుగా ఈ సినిమాలో హీరోగా ఎన్టీఆర్ ను సంప్రదిస్తే ప్రేమ కథ చిత్రం కావడంతో ఎన్టీఆర్ ఇందులో నటించడానికి ఇష్టపడలేదనే వార్తలు వచ్చాయి.
3) భద్ర: వివి వినాయక్ దగ్గర పనిచేస్తున్న సమయంలో బోయపాటి శీను భద్ర కథ గురించి ముందుగా అల్లు అర్జున్ కి వినిపించారు.ఆ తర్వాత ఇదే కథను ఎన్టీఆర్ కు చెప్పగా ఎన్టీఆర్ ఈ సినిమా చేయడానికి ఎందుకు ఆసక్తి చూపించకపోవడంతో ఈ సినిమాను రవితేజతో తీసి బ్లాక్ బాస్టర్ హిట్ ను సంపాదించాడు బోయపాటి శీను.
4) అతనొక్కడే: అతనొక్కడే సినిమా ద్వారా దర్శకుడిగా సురేందర్ రెడ్డి ఇండస్ట్రీకి పరిచయమయ్యారు. అయితే సురేందర్ రెడ్డి ముందుగా ఈ కథను ఎన్టీఆర్ కి చెప్పగా,ఎన్టీఆర్ నో చెప్పడంతో ఆ అవకాశం కళ్యాణ్ రామ్ కు దక్కింది.
5) కిక్: అతిధి, అశోక్ లాంటి డిజాస్టర్ మూవీలను చూసిన సురేందర్ రెడ్డి కిక్ సినిమా కథతో ఎన్టీఆర్ దగ్గరికి వెళ్ళారు. ఈ సినిమా కథను ఎన్టీఆర్ కి వినిపిస్తే ఎన్టీఆర్ ఈ సినిమాని వదులుకున్నాడు. ఆ తరువాత సురేందర్ రెడ్డి రవితేజ హీరోగా కిక్ సినిమాను తెరకెక్కించి బ్లాక్ బస్టర్ విజయాన్ని సొంతం చేసుకున్నారు.
6) కృష్ణ: వివి వినాయక్ కృష్ణ కథతో ఎన్టీఆర్ ను సంప్రదించగా ఎన్టీఆర్ ఈ కథకు కనెక్ట్ కాలేకపోయారు. దీంతో వినాయక్ రవితేజ హీరోగా కృష్ణ సినిమాను తెరకెక్కించారు. ఈ సినిమా కూడా రవితేజకు బ్లాక్ బస్టర్ ఇచ్చింది.
7) శ్రీమంతుడు: ఎన్టీఆర్ బృందావనం సినిమా చేసే సమయంలో ఆయనతో పనిచేసిన అనుభవం ఉండటం వల్ల కొరటాల శివ వెళ్లి శ్రీమంతుడు స్టోరీని ఎన్టీఆర్ కి చెప్పగా ఎన్టీఆర్ చేయలేదు. శ్రీమంతుడు సినిమా మహేష్ బాబు హీరోగా కొరటాల శివ తెరకెక్కించారు. ఈ సినిమా బాక్సాఫీస్ దగ్గర కలెక్షన్ల వర్షం కురిపించింది.
8) ఊపిరి : ఊపిరి సినిమాలో ముందుగా వంశీ పైడిపల్లి నాగార్జున ఎన్టీఆర్ హీరోలుగా అనుకున్నారు. అయితే ఈ సినిమాలో నాగార్జున వీల్ చైర్ కు మాత్రమే పరిమితం అవుతారు. నాగార్జున కాళ్లు పట్టుకునే సన్నివేశాలు ఉండటంతో ఎన్టీఆర్ ఈ సినిమా నుంచి తప్పుకున్నారని తెలుస్తోంది.
9) రాజా ది గ్రేట్: అనిల్ రావిపూడి దర్శకత్వంలో తెరకెక్కిన రాజా ది గ్రేట్ సినిమాలో ముందుగా ఎన్టీఆర్ ని అనుకున్నారట. అందుకు దిల్ రాజు కూడా ఓకే చెప్పారు కానీ చివరి నిమిషంలో ఎన్టీఆర్ కి బదులు రవితేజను హీరోగా ఈ సినిమాలో తీసుకున్నారు.