Gangubai Kathiawadi: బాలీవుడ్ స్టార్ హీరోయిన్ అలియా భట్ తాజా చిత్రం `గంగూబాయ్ కతియావాడి`. సంజయ్ లీలా భన్సాలీ ద‌ర్శ‌క‌త్వం వ‌హించిన ఈ చిత్రంలో అజయ్ దేవ్‌గణ్‌, విజయ్‌ రాజ్‌, శంతను మహేశ్వరి, ఇందిరా తివారి కీల‌క పాత్ర‌ల‌ను పోషించారు. మాఫియా క్వీన్‌ గంగూబాయ్ కతియావాడి జీవితకథ ఆధారంగా తెర‌కెక్కిన ఈ లేడి ఓరియెంటెడ్ మూవీ ఫిబ్ర‌వ‌రి 25న ప్ర‌పంచ‌వ్యాప్తంగా విడుద‌లైంది.
రిలీజ్ అయిన అన్ని భాష‌ల్లోనూ పాజిటివ్ టాక్ సొంతం చేసుకున్న ఈ చిత్రంలో గంగూబాయిగా అలియా భట్ త‌న‌దైన న‌ట‌న, డైలాగ్ డెలివరీతో మిస్మ‌రైజ్ చేసింది. ఆ పాత్రలో ఆమె లీనమయ్యే విధానానికి ఫిదా అవ్వ‌కుండా ఉండ‌లేరు. ప్రేక్ష‌కులే కాదు విమ‌ర్శ‌కులు సైతం అలియా న‌ట‌న‌పై ప్ర‌శంస‌లు కురిపించారు.
- Read the latest news from NEWSORBIT
- Follow us on facebook , Twitter , instagram and Googlenews
అయితే ఇప్పుడీ సినిమా ఓటీటీ రిలీజ్ కు సిద్ధం అవుతోంది. ఈ సినిమా డిజిట‌ల్ స్ట్రీమింగ్ హ‌క్కుల‌ను భారీ ధ‌రకు సొంతం చేసుకున్న ప్రముఖ ఓటీటీ దిగ్గజం నెట్‌ఫ్లిక్స్.. ఏప్రిల్ 26న స్ట్రీమింగ్ చేసేందుకు స‌న్నాహాలు చేస్తోంది. ఈ మేర‌కు నెట్‌ఫిక్స్ వారు సోష‌ల్ మీడియా ద్వారా అనౌన్స్ చేసింది. దీంతో థియేటర్‌లో ఈ సినిమా చూడటం మిస్‌ అయిన వారు.. ఓటీటీ రిలీజ్ కోసం అతృత‌గా ఎదురు చూస్తున్నారు.
కాగా, భన్సాలీ ప్రొడక్షన్స్, పెన్ ఇండియా లిమిటెడ్ బ్యాన‌ర్ల‌పై జ‌యంతిలాల్‌ గ‌డ, సంజయ్ లీలా భన్సాలీ సంయుక్తంగా ఈ చిత్రాన్ని నిర్మించారు. సంచిత్‌ బల్హారా, అంకింత్‌ బల్హారా, సంజయ్ స్వ‌రాలు అందించారు.
