Ghani: బాబాయ్ రావట్లేదు అందుకే నేనొస్తున్నా..గని రిలీజ్ డేట్తో ఇదే తేలిందా..? అంటూ తాజాగా సోషల్ మీడియాలో వార్తలు మొదలయ్యాయి. దీనికి కారణం లేకపోలేదు. పవర్ స్టార్ పవన్ కళ్యాణ్ రీ ఎంట్రీ సినిమా ‘వకీల్ సాబ్’ తరువాత చేస్తున్న సినిమా ‘భీమ్లా నాయక్’. మలయాళ సూపర్ హిట్ మూవీ ‘అయ్యప్పనుమ్
కోషియుమ్’ ఆధారంగా తెలుగులో ఈ చిత్రాన్ని రీమేక్ చేస్తున్నారు. దీనిలో రానా మరో హీరోగా నటిస్తున్న సంగతి తెలిసిందే. నిత్యామీనన్ – సంయుక్త మీనన్ హీరోయిన్స్గా నటించిన ఈ సినిమాకు సాగర్ కె. చంద్ర దర్శకత్వం వహిస్తున్నారు.
ఇక ఈ మూవీకి మాటల మాంత్రికుడు త్రివిక్రమ్ డైలాగ్స్ అలాగే స్క్రీన్ ప్లే ను అందించారు. కాగా, ఇటీవల విడుదలైన ఈ సినిమా టీజర్ మరియు పాటలకు మంచి క్రేజ్ ఏర్పడింది. దీంతో సినిమా మీద భారీగా అంచనాలు నెలకొన్నాయి. ప్యాచ్ వర్క్ అలాగే, ఓ పాట మినహా చిత్రీకరణ మొత్తం పూర్తయింది. ప్రస్తుతం ఆ షూటింగ్ ను కూడా కంప్లీట్ చేసే పనిలో ఉన్నారు మేకర్స్. అయితే, ఇప్పుడు ‘భీమ్లా నాయక్’ సినిమా ఫిబ్రవరి 25వ తేదీన రిలీజ్ అయ్యే అవకాశాలు లేవని చెప్పుకుంటున్నారు. వాస్తవంగా అయితే ఈ నెలలో 25వ తేదీన ప్రేక్షకుల ముందుకు రావాల్సింది.
Ghani: ‘భీమ్లా నాయక్’ పోస్ట్ పోన్ అవుతుందని ఫిక్సైపోవచ్చు.
కానీ, కొన్ని సందేహాల మధ్య ఏప్రిల్ 1 లేదా 8వ తేదీ కూడా వినిపిస్తున్నాయి. ఆ రెండు తేదీలో ‘భీమ్లా నాయక్’ వస్తుందో లేదో తెలీదు గానీ ఈ నెల 25న మాత్రం రావడం లేదని తాజాగా విడుదలైన గని రిలీజ్ డేట్తో క్లారిటీ వచ్చింది. మెగా ప్రిన్స్ వరుణ్ తేజ్ హీరోగా సాయి మంజ్రేకర్ హీరోయిన్గా నటించిన ఈ సినిమాను ఫిబ్రవరి 25న రిలీజ్ చేయబోతున్నట్టు అధికారికంగా మేకర్స్ వెల్లడించారు. ఈ మేరకు రిలీజ్ డేట్తో కూడుకున్న పోస్టర్ను కూడా వదిలారు. ఒకేరోజు పవన్ కళ్యాణ్, వరుణ్ తేజ్ సినిమాలు వచ్చే అవకాశాలైతే ఎంత మాత్రం లేవు. కాబట్టి ‘భీమ్లా నాయక్’ పోస్ట్ పోన్ అవుతుందని ఫిక్సైపోవచ్చు.