GodFather: దసరా పండుగ కానుకగా వచ్చిన “గాడ్ ఫాదర్” బ్లాక్ బస్టర్ విజయం సాధించింది. పొలిటికల్ లీడర్ పాత్రలో చిరంజీవి సైలెంట్ యాక్షన్ ప్రేక్షకులను ఎంతగానో అలరించింది. ముఖ్యంగా ఏడాది ప్రారంభంలో “ఆచార్య” పరాజయం కావడంతో నిరుత్సాహంలో ఉన్న ఫ్యాన్స్ కి “గాడ్ ఫాదర్” మంచి బూస్ట్ ఇచ్చింది. దసరా పండుగకు విడుదలైన అన్ని సినిమాల కంటే ఈ సినిమా అతిపెద్ద విజయం సాధించటంతో బాక్స్ ఆఫీస్ వద్ద కలెక్షన్ల సునామి సృష్టిస్తుంది. ఈ క్రమంలో “గాడ్ ఫాదర్” రిలీజ్ అయిన మూడు రోజులకే ₹100 కోట్ల గ్రాస్ కలెక్షన్ సాధించిన సినిమాగా నిలిచింది.
దీనికి సంబంధించిన విషయాన్నీ తెలియజేస్తూ సినిమా యూనిట్ అధికారిక పోస్టర్ రిలీజ్ చేసింది. సినిమాలో సల్మాన్ స్పెషల్ రోల్ చేయడంతో నార్త్ ఇండియాలో అభిమానుల నుంచి మంచి రెస్పాన్స్ రావటంతో ఇటీవల 600 స్క్రీన్స్ అదనంగా పెంచారు. మాఫియా డాన్ గా సల్మాన్ పాత్ర సినిమాలో చాల హైలైట్ గా నిలిచింది. సల్మాన్ ఖాన్ పాత్ర కూడా ఎంత మేరకు వాడుకోవాలో ఆ రీతిగా వాడుకొని..డైరెక్టర్ మోహన్ రాజా తగిన న్యాయం చేశారు. మలయాళం “లూసిఫర్” సినిమాకి రీమేక్ అయినా గాని.. స్క్రీన్ ప్లే లో కొత్తదనం ఉండటంతో ప్రేక్షకులు బ్రహ్మరథం పడుతున్నారు.
సినిమాలో విలన్ పాత్రలో సత్యదేవ్ నటన సినిమాకి హైలెట్ గా నిలిచింది. ప్రస్తుతం పెద్ద సినిమాలు థియేటర్ లలో రిలీజ్ అయ్యే పరిస్థితులు లేకపోవడంతో ఓవరాల్ కలెక్షన్ లు రికార్డు స్థాయిలో వచ్చే అవకాశాలు ఉన్నట్లు ట్రేడ్ వర్గాల నుండి అందుతున్న టాక్. ఏది ఏమైనా చిరంజీవి నటనలో చాలా కొత్త కోణాన్ని ఆయన కళ్ళతో.. యాక్షన్ ని డైరెక్టర్ చేయించే పనితనం అభిమానులను ఎంతగానో ఆకట్టుకుంది. దీంతో “గాడ్ ఫాదర్” సినిమాకి ప్రేక్షకులు బ్రహ్మరథం పడుతున్నారు.
