Pushpa 2: గత ఏడాది డిసెంబర్ నెలలో విడుదలైన “పుష్ప” ప్రపంచవ్యాప్తంగా సంచలనం సృష్టించిన సంగతి తెలిసిందే. అప్పటికే “అలా వైకుంఠపురంలో” బ్లాక్ బస్టర్ తో మంచి జోరు మీద ఉన్న బన్నీ ఫస్ట్ టైం పాన్ ఇండియా నేపథ్యంలో చేసిన “పుష్ప” ఊహించని రీతిలో విజయం అందుకున్నాడు. అసలు ఇంతటి విజయం సాధిస్తుందని తన కలలో కూడా ఊహించలేదని స్వయంగా సినిమా సక్సెస్ మీట్ లో సుకుమార్ తెలియజేశారు. బన్నీ నీ చాలా తక్కువ అంచనా వేసినట్లు కూడా ఒప్పుకున్నారు.
ఇదంతా పక్కన పెడితే “పుష్ప 2″ షూటింగ్ కోసం అభిమానులు ఎప్పటినుండో ఎదురుచూస్తున్న సంగతి తెలిసిందే. మొదటి భాగం విజయం సాధించి దాదాపు పది నెలలు కావస్తున్నా గాని..”పుష్ప 2” షూటింగ్ స్టార్ట్ కాకపోవడం అభిమానులను ఎంతగానో కన్ఫ్యూజన్ చేస్తూ ఉంది. అయితే ఫస్ట్ పార్ట్ భారీ విజయం సాధించడంతో “పుష్ప 2” స్క్రిప్ట్ పగడ్బందీగా ప్రిపేర్ చేసే పనిలో మొన్నటి వరకు డైరెక్టర్ సుకుమార్ తో పాటు బన్నీ ఇంకా మ్యూజిక్ డైరెక్టర్ దేవి శ్రీ ప్రసాద్ కూర్చోవడం జరిగింది. ఇప్పుడంతా స్టోరీ సిద్ధం కావటంతో… ఈ నెల నుండి షూటింగ్ స్టార్ట్ చేయడానికి సన్నాహాలు చేస్తున్నారు.
దీనిలో భాగంగా అమీర్ పేట్ లో ఓ స్టూడియోలో గత రెండు రోజులుగా అల్లు అర్జున్ లుక్ కి సంబంధించి టెస్ట్ జరుగుతుందట. దాదాపు వారం రోజులు పాటు ఈ టెస్ట్ లుక్ సుకుమార్ నిర్వహించనున్నట్లు ఇండస్ట్రీలో ప్రచారం జరుగుతుంది. వారంలో జరిగే టెస్ట్ లుక్ లో ఒకదాన్ని ఫైనల్ చేయనున్నారట. పకడ్బందీ షెడ్యూల్ తో..”పుష్ప 2″ షూటింగ్ స్టార్ట్ కానుంది. ఎట్టి పరిస్థితుల్లో వచ్చే ఏడాది సమ్మర్ లో సినిమా రిలీజ్ చేసే తరహాలో సుకుమార్ ఇంకా బన్నీ రెడీ అయినట్లు వార్తలు వస్తున్నాయి.
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!