Nayan-Vignesh: లేడీ సూపర్ స్టార్ నయనతార, కోలీవుడ్ డైరెక్టర్ విఘ్నేశ్ శివన్ ఎట్టకేలకు వైవాహిక బంధంతో ఒకటి కాబోతున్న సంగతి తెలిసిందే. గత ఆరేళ్ల నుంచీ పీకల్లోతు ప్రేమలో మునిగి తేలుతున్న ఈ లవ్ బర్డ్స్.. గత ఏడాది సైలెంట్గా నిశ్చితార్థం చేసుకున్నారు. ఇక ఇప్పుడు పెళ్లికి సిద్ధం అయిందీ జంట.
జూన్ 9న వీరి వివాహ వేడుక తమిళనాడులోని మహబలిపురంలో గల ఓ రిసార్ట్ లో ఘనంగా జరగబోతోంది. పెళ్లికి అన్ని ఏర్పాట్లు పూర్తి అయ్యాయట. ఇరు కుటుంబసభ్యులు, సన్నిహితులతో పాటు చిత్ర పరిశ్రమకు సంబంధించి స్టార్స్, పొలిటిషన్స్ కూడా హాజరుకానున్నారు. అయితే ఇంత వరకు పెళ్లిపై నయన్-విఘ్నేష్లిద్దరూ అఫీషియల్ గా ఎక్కడా మాట్లాడలేదు.
- Read the latest news from NEWSORBIT
- Follow us on facebook , Twitter , instagram and Googlenews
కానీ, తాజాగా విఘ్నేశ్ మౌనం విడాడు. ఆయన మాట్లాడుతూ.. `నా ప్రేయసి నయనతారను పెళ్లిని చేసుకోబోతున్నాను. జూన్ 9 (గురువారం) నేను, నయనతార మహాబలిపురంలో పెళ్లి చేసుకోబోతున్నాం. మా ఇరువురి కుటుంబాలతో పాటు సన్నిహితులు, స్నేహితులు మాత్రమే మా వివాహానికి హాజరు కానున్నారు. తొలిత తిరుపతిలో పెళ్లి చేసుకోవాలని అనుకున్నాము.
ప్రయాణ పరంగా కొన్ని సమస్యలు ఉండొచ్చనిపించడంతో వివాహ వేదికను మహాబలిపురానికి మార్చాము` అంటూ చెప్పుకొచ్చారు. అలాగే జూన్ 9న పెళ్లి జరుగుతుందని… పెళ్లి ఫొటోలను మధ్యాహ్నానికల్లా సోషల్ మీడియాలో పంచుకుంటామంటూ ఫ్యాన్స్కు విఘ్నేష్ గుడ్న్యూస్ తెలిపారు. ఇక జూన్ 11న తాను, నయన్ అందరినీ ప్రత్యేకంగా కలుస్తామని, అందరూ తమను ఆశీర్వదించాలని విఘ్నేశ్ కోరాడు.