పవర్ స్టార్ పవన్ కళ్యాణ్ ఓకే చేసిన క్రేజీ ప్రాజెక్టులలో “భవదీయుడు భగత్ సింగ్” ఒకటి. హరి శంకర్ దర్శకత్వంలో తెరకెక్కబోయే ఈ సినిమాని మైత్రి మూవీ మేకర్స్ బ్యానర్ వారు నిర్మించనున్నారు. ఈ సినిమా ప్రాజెక్ట్ అధికారికంగా ప్రకటించి రెండు సంవత్సరాలు కావస్తున్నా గాని ఇప్పటివరకు రెగ్యులర్ షూటింగ్ మొదలు కాలేదు. దీంతో అభిమానులు గందరగోళానికి గురవుతున్నారు. గతంలో వరుసపరాజయాలలో పవన్ ఉన్న సమయంలో హరీష్ తీసిన “గబ్బర్ సింగ్” బ్లాక్ బస్టర్ విజయం సాధించిన సంగతి తెలిసిందే. 2012వ సంవత్సరంలో వచ్చిన ఈ సినిమా అనేక రికార్డులు క్రియేట్ చేసింది.
డైరెక్టర్ హరీష్ పవన్ అభిమాని కావటంతో సినిమా విజయం సాధించిన తర్వాత పవన్ ఫ్యాన్స్ మొత్తం హరీష్ నీ పొగడ్తలతో ముంచెత్తడం జరిగింది. ఈ క్రమంలో మళ్లీ ఇప్పుడు వీరిద్దరి కాంబినేషన్ లో దాదాపు పది సంవత్సరాల తర్వాత సినిమా వస్తూ ఉండటంతో ఫ్యాన్స్ ఫుల్ ఖుషి గా ఉన్నారు. ఈ సినిమాకి సంబంధించి షూటింగ్ ఎప్పుడు మొదలవుతుందో అని ఉత్కంఠ భరితంగా ఎదురుచూస్తూ ఉన్నారు. సోషల్ మీడియాలో యాక్టివ్ గా ఉండే హరీష్ నీ ఇటీవల పవన్ కళ్యాణ్ అభిమాని ప్రశ్న వేయడం జరిగింది. “ఆ స్టెప్స్…ఆ స్టైల్…ఆ స్వేగ్… ఏమైపోయాయి కళ్యాణ్ అన్న.. హరీష్ అన్న. మళ్లీ నీవల్లే అవుతుంది ఇలాంటివి. ఈ సినిమాతో లాస్ట్ అనిపిస్తుంది అని కామెంట్ చేశాడు.
దానికి హరీష్ శంకర్ స్పందిస్తూ…”అన్నీ ఉంటాయి…ఏది మిస్ అవ్వదు… మీ ఎదురు చూపులకు తగ్గ ప్రతిఫలం వస్తుంది… నన్ను నమ్మండి అంటూ తనదైన శైలిలో రిప్లై ఇచ్చాడు. ఇదిలా ఉంటే వచ్చేవారం పవన్ కళ్యాణ్ జన్మదినోత్సవం సందర్భంగా..”భవదీయుడు భగత్ సింగ్” నుండి ఏదైనా అప్ డేట్ వస్తుందేమో అని అభిమానులు ఆశిస్తున్నారు.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!