Ram Charan-Director Shankar : తెలుగు ఇండస్ట్రీలో మెగా పవర్ స్టార్ రామ్ చరణ్ తేజ్ ప్రస్తుతం ఎస్ ఎస్ రాజమౌళి దర్శకత్వంలో తెరకెక్కుతున్న త్రిబుల్ ఆర్ సినిమాలో నటిస్తున్నారు. ప్రస్తుతం ఓ స్టార్ డైరెక్టర్ సినిమా చేస్తుండగానే, మరో స్టార్ డైరెక్టర్ తో సినిమా చేసే అవకాశాన్ని రామ్ చరణ్ దక్కించుకున్నారు. ప్రముఖ దర్శకుడు శంకర్ దర్శకత్వంలో రామ్ చరణ్ సినిమా చేయబోతున్నారనే సమాచారం మనకు తెలిసిందే. అయితే శంకర్ రామ్ చరణ్ తో సినిమా నిర్మించడానికి ప్రముఖ నిర్మాత దిల్ రాజ్ ముందుకు వచ్చారు.
శంకర్ సినిమాలంటే ఒక సైన్స్ ఫిక్షన్ తరహాలో తెరకెక్కుతాయనే సంగతి అందరికీ తెలిసినదే. అదేవిధంగా శంకర్ దర్శకత్వం వహిస్తున్న సినిమా అంటే పక్క సూపర్ హిట్ అని చెప్పవచ్చు. అదే విధంగా శంకర్ దర్శకత్వంలో రామ్ చరణ్ సరసన హీరోయిన్ పాత్రలో రష్మిక మందన నటించే అవకాశాలు ఉన్నట్లు సమాచారం. పాన్ ఇండియా చిత్రంగా తెరకెక్కుతున్న ఈ సినిమాలో బాలీవుడ్ నటుడు రణవీర్ సింగ్ విలన్ పాత్రలో నటిస్తారనే సమాచారం వినబడుతోంది. అయితే వీటన్నింటి గురించి చిత్రబృందం ఎలాంటి ప్రకటన విడుదల చేయలేదు.
శంకర్ సినిమాలో పవన్:
అయితే ప్రస్తుతం శంకర్ రామ్ చరణ్ సినిమాకు సంబంధించిన సెన్సేషనల్ న్యూస్ ప్రస్తుతం సోషల్ మీడియాలో చక్కర్లు కొడుతోంది. రామ్ చరణ్ హీరోగా సైన్స్ ఫిక్షన్ తరహాలో తెరకక్కుతున్న ఈ సినిమాలో పవర్ స్టార్ పవన్ కళ్యాణ్ ఓ కీలక పాత్రలో నటిస్తున్నట్లు తెలుస్తోంది.ప్రస్తుతం ఈ విషయం సోషల్ మీడియాలో హాట్ టాపిక్ గా మారిపోయింది. అదే విధంగా తమిళంలో కూడా ఈ పాత్రలో ఓ స్టార్ హీరోను తీసుకోవాలనే ఆలోచనలో శంకర్ ఉన్నట్లు తెలుస్తోంది. అయితే శంకర్ రామ్ చరణ్ కాంబినేషన్లో రాబోయే ఈ సినిమాలో పవన్ కళ్యాణ్ నటించడానికి ఓకే చెప్పాడా? లేదా? అనే విషయం తెలియాల్సి ఉంది. ఒకవేళ ఈ పాత్రలో నటించడానికి పవన్ ఒప్పుకుంటే మెగా అభిమానులకు ఇక పండగే అని చెప్పవచ్చు. ప్రస్తుతం త్రిబుల్ ఆర్ షూటింగ్ చివరి దశ జరుపుకుంటుంది. ఈ సినిమా పూర్తయిన తర్వాత రామ్ చరణ్ , శంకర్ సినిమా పట్టాలెక్కుతోందని తెలుస్తోంది.
