మహేష్ బాబు ఇటీవల తన తండ్రి సూపర్ స్టార్ కృష్ణ పుట్టిన రోజు నాడు మే 31వ తారీఖున తన కొత్త సినిమా విశేషాలు తెలియజేయటం అందరికీ తెలిసిందే. ‘సర్కారు వారి పాట’ అనే టైటిల్ తో తన కొత్తసినిమా తెరకెక్కుతున్నట్లు తెలియజేస్తూ సినిమాకి సంబంధించి ఫస్ట్ లుక్ కూడా రిలీజ్ చేయడం జరిగింది. ఫస్ట్ లుక్ లో గతంలో ఎన్నడూ లేని విధంగా చెవికి పోగు మెడ మీద రూపాయి బిల్ల టాటూ తో సరికొత్త రీతిలో మహేష్ గెటప్ ఉండటంతో ఒక్కసారిగా సినిమాపై అందరికీ ఆసక్తి పెరిగింది.
కాగా ఈ లుక్ చూసి అభిమానులు సోషల్ మీడియాలో షేర్లు మీద షేర్లు కొట్టడంతో సరికొత్త రికార్డులు క్రియేట్ అయ్యాయి. ఇప్పటికే 3 బ్లాక్ బస్టర్ సినిమాలతో హ్యాట్రిక్ అందుకున్న మహేష్ నుండి చాలా డిఫరెంట్ టైటిల్ తో డిఫరెంట్ గెటప్ తో ‘సర్కారు వారి పాట’ రాబోతున్న తరుణంలో సినిమా స్టోరీ ఏంటి అన్నది టాలీవుడ్ ఇండస్ట్రీలో పెద్ద చర్చనీయాంశమైంది. అయితే ఇటీవల టాలీవుడ్ ఇండస్ట్రీకి చెందిన సినిమాలు బాలీవుడ్ ఇండస్ట్రీ లో రికార్డుల మీద రికార్డులు క్రియేట్ చేస్తున్నాయి.
దీంతో బాలీవుడ్ ఇండస్ట్రీలో ఉండే బడా నిర్మాతలంతా టాలీవుడ్ ఇండస్ట్రీలో స్టార్ హీరోల సినిమాలపై ఓ లుక్ వేస్తున్నారు. తాజాగా ‘సర్కారు వారి పాట’ సోషల్ మీడియాలో అనేక రికార్డులు క్రియేట్ చేయడం తో బాలీవుడ్ ఇండస్ట్రీలో ఓ ప్రముఖ నిర్మాత ఈ సినిమా స్టోరీ తెలుసుకొని హిందీ రీమేక్ హక్కులు కొనటానికి భారీ ఆఫర్ సినిమా నిర్మాతలకు ఇచ్చారట. భారీ స్థాయిలోనే సినిమా హక్కులు కొనుగోలు చేయడానికి సదరు బాలీవుడ్ నిర్మాత రెడీ అయినట్లు సమాచారం. దీంతో సినిమా రిలీజ్ అవ్వక ముందే ఫస్ట్ లుక్ కే ఈ మాత్రం రెస్పాన్స్ రావడంతో ఇటు మహేష్ అభిమానుల లో జోష్ నెలకొంది. మరోపక్క సినిమా నిర్మాతలు మాత్రం సినిమా కంప్లిట్ అయ్యేంత వరకు ఎవరికీ సినిమా హక్కులు అమ్మే ప్రసక్తి లేదని సదరు బాలీవుడ్ నిర్మాతకి చెప్పినట్లు ఫిలిం నగర్ టాక్.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!