పవన్ కళ్యాణ్ అభిమానుల గురించి ప్రత్యేకంగా చెప్పనవసరం లేదు. తమ అభిమాన హీరో పవన్ సినిమా చేసిన చేయకపోయినా బ్రహ్మ రథం పడుతూ ఉంటారు. రాజకీయంగా ఇంకా సినిమా పరంగా అన్ని రకాలుగా సపోర్ట్ చేస్తూ తమ కుటుంబ సభ్యుడి హాజరుగా పవన్ పై మాట పడకుండా చూసుకుంటారు. అంతేకాదు పవన్ మాదిరిగానే సమాజానికి అనేక రకాల సహాయాలు చేస్తూ ఉంటారు. పవన్ స్థాపించిన జనసేన పార్టీ తరఫున ఒకపక్క ప్రభుత్వాలతో పోరాడుతూనే మరోపక్క పేదవాళ్ళకి సహాయ కార్యక్రమాలు చేస్తూ ఉంటారు.
ఇదిలా ఉంటే సెప్టెంబర్ రెండవ తారీకు పవన్ పుట్టినరోజు అని అందరికీ తెలుసు. ఈ క్రమంలో ఇటీవల మహేష్ అభిమానులు చేసినట్టుగానే పోకిరి స్పెషల్ షోలు వేసినట్టుగానే.. జల్సా స్పెషల్ షో లు వేయాలని పవన్ ఫ్యాన్స్ డిమాండ్ చేయడం జరిగింది. “జల్సా” నిర్మాణ సంస్థ గీతా ఆర్ట్స్ యాజమాన్యంపై గత కొంతకాలం నుండి ఒత్తిడి తీసుకొస్తున్నారు. ఈ క్రమంలో గీతా ఆర్ట్స్ యాజమాన్యం పవన్ ఫ్యాన్స్ కోరినట్టుగానే 4K HD డాల్బీ ఎట్మాస్ సౌండ్ తో రెండు తెలుగు రాష్ట్రాలలో సుమారు 500 షోలనీ ప్రదర్శించేందుకు ఏర్పాట్లు చేస్తున్నారు.
2008వ సంవత్సరంలో త్రివిక్రమ్ దర్శకత్వంలో వచ్చిన ఈ సినిమా సూపర్ డూపర్ హిట్ అయింది. దేవి శ్రీ ప్రసాద్ అందించిన మ్యూజిక్ సినిమాకి హైలెట్ గా నిలిచింది. అయితే ఇటీవల మహేష్ పుట్టినరోజు నాడు వేసిన పోకిరి స్పెషల్ షోలకు భారీ ఎత్తున లాభాలు వచ్చాయి. దీంతో పవన్ పుట్టినరోజు నాడు జల్సా స్పెషల్ షోలకు గీతా ఆర్ట్స్ రెడీ కావటం జరిగింది.
