గోపీచంద్ సినిమాల టైటిల్స్ ఎవరికైనా ఈజీగా గుర్తుండిపోతాయి. లక్ష్యం, సౌఖ్యం, లౌక్యం, శౌర్యం, శంఖం… ఇలా ఆయన సినిమాల పేర్లన్నీ దాదాపుగా ఒకే రకంగా ఉంటాయి. తాజాగా ఆయన అదే ఒరవడిని కొనసాగిస్తున్నారు. అయితే ఈ సారి ఆయన మార్క్ మార్లో ఉంది. అంటే ఇంతకు పూర్వం ఆయన గోలీమార్ అనే సినిమా చేశారు. తాజాగా సీటీమార్ అని అంటున్నారు. సీటీమార్ అనే టైటిల్ తెలుగు ఇండస్ట్రీకి కొత్తేం కాదు. ఈ టైటిల్ని ఇప్పటికే చాలా సార్లు చాలా మంది హీరోల కోసం అనుకున్నారు. అయితే ఎందుకో ఫైనల్ కాలేదు. ఆ టైటిల్ని గోపీచంద్ క్యాచ్ చేశారు. సంపత్నంది దర్శకత్వంలో గోపీచంద్ నటించబోయే సినిమా కోసం ఈ టైటిల్ అనుకుంటున్నారు. ఈ చిత్రంలో తమన్నా నాయికగా నటించనుంది. సిల్వర్ స్క్రీన్స్ పతాకంపై శ్రీనివాసా చిట్టూరి ఈ చిత్రాన్ని నిర్మిస్తున్నారు. త్వరలోనే సెట్స్ మీదకు వెళ్లనుంది. గోపీచంద్ మాస్ హీరో. మాస్ పల్స్ తెలిసిన డైరక్టర్ సంపత్. సో ఈ కాంబినేషన్ నుంచి పక్కా సీటీమార్ మాస్ ఫిల్మ్ ఎదురుచూడొచ్చని టాక్.
previous post
next post