సినిమా విడుదలకు కరెక్ట్గా రెండు వారాలుంది.. సినిమా పోస్ట్ ప్రొడక్షన్ కార్యక్రమాల్లో భాగంగా బ్యాగ్రౌండ్ స్కోర్ స్టార్ట్ కావాల్సి ఉంది. ఇలాంటి తరుణంలో మ్యూజిక్ డైరెక్టర్ ఏమైంతో ఏమో కానీ.. సినిమా నుండి తప్పుకున్నాడు. ఇంతకు ఆ మ్యూజిక్ డైరెక్టర్ ఎవరో తెలుసా? గోపీ సుందర్.. ఆ సినిమా ఏదో కాదు.. `మజిలీ`. అక్కినేని నాగచైతన్య, సమంత పెళ్లి చేసుకున్న తర్వాత జంటగా నటిస్తున్న తొలి చిత్రం `మజిలీ`. ఏప్రిల్ 5న విడుదల కానుంది. ఇలాంటి సమయంలో ప్రాజెక్ట్ నుండి గోపీసుందర్ బయటకు వెళ్లిపోయాడు. మరి ఎందుకు వెళ్లిపోయాడనే విషయం కారణాలు ఇంకా తెలియరాలేదు. దీంతో యూనిట్ వర్గాలు సినిమాను అనుకున్న టైంలో పూర్తి చేయడానికి ఎస్.ఎస్.తమన్ను తీసుకొచ్చారని టాక్. అయితే దీనిపై పూర్తి వివరాలు అందాల్సి ఉంది. శివ నిర్వాణ దర్శకత్వంలో సాహు గారపాటి, హరీష్ పెద్ది ఈ చిత్రాన్ని నిర్మిస్తున్నారు.
previous post