Hari Hara Veera Mallu: పవర్ స్టార్ పవన్ కళ్యాణ్ – క్రిష్ కాంబినేషన్లో రూపొందుతున్న పీరియాడిక్ సినిమా హరిహర వీరమల్లు. ఈ నెల 8వ తేదీ నుంచి ఈ సినిమా షూటింగ్ కొత్త షెడ్యూల్ ప్రారంభమయింది. దాదాపు 15 నెలల తర్వాత సెట్స్ మీదకు వచ్చిన ఈ సినిమాకు సంబంధించిన టాకీపార్ట్ అలాగే భారీ యాక్షన్ సీక్వెన్స్తో హైదరాబాద్లో వేసిన భారీ సెట్స్లో దర్శకుడు క్రిష్ తెరకెక్కిస్తున్నాడు. మొఘలుల కాలం నాటి కథతో తెరకెక్కుతున్న ఇందులో పవన్ కళ్యాణ్ బందిపోటు దొంగగా నటిస్తున్నట్టు సమాచారం.
పవన్ కళ్యాణ్ కెరీర్లో మొదటి పాన్ ఇండియన్ సినిమా ఇది. ప్రముఖ నిర్మాత ఏ ఎం రత్నం దాదాపు 200 కోట్ల భారీ బడ్జెట్తో నిర్మిస్తున్న ఈ సినిమాలో నాట్యకారిణిగా నిధి అగర్వాల్ నటిస్తోంది. ఇతర ముఖ్య పాత్రల్లో బాలీవుడ్ స్టార్స్ నర్గీస్ ఫక్రీ, అర్జున్ రామ్ పాల్ నటిస్తున్నారు. ప్రముఖ సంగీత దర్శకుడు ఎం ఎం కీరవాణి సంగీత దర్శకత్వం వహిస్తున్నారు. ఇప్పటికే, ఈ సినిమా నుంచి వచ్చిన పవన్ లుక్స్, ఫస్ట్ టీజర్ సినిమాపై భారీ అంచనాలను పెంచింది. క్రిష్ దర్శకత్వంలో కంచె, మణికర్ణిక, గౌతమీపుత్ర శాతకర్ణి లాంటి చిత్రాలొచ్చి ఉండటంతో కూడా వీరమల్లు మీద అంచనాలు ఎక్కువయ్యాయి.
Hari Hara Veera Mallu: పవన్ శిక్షణ తీసుకొని పాల్గొంటున్నారు.
ఇక పవన్ సినిమా అంటే అందరు దర్శకుడి గురించి ఆలోచించేది తర్వాతే. తెలుగుతో పాటు హిందీ, తమిళ్మం, మలయాళం, కన్నడ భాషల్లో ఒకేసారి తెరకెక్కుతూ..ఒకేసారి రిలీజ్ చేయనున్నారు. ఇక ప్రస్తుతం తెరకెక్కిస్తున్న భారీ పోరాట సన్నివేశాలలో 100 మంది ఫైటర్స్ పాల్గొంటున్నారు. ఈ యాక్షన్ సీక్వెన్స్ సినిమాకు ఎంతో హైలెట్గా నిలుస్తుందని వీరమల్లు బృందం చెబుతోంది. ప్రత్యేకంగా ఈ యాక్షన్ సీక్వెన్స్ కోసం పవన్ శిక్షణ తీసుకొని పాల్గొంటున్నారు. ఇక ఈ ఏడాది షూటింగ్ అండ్ పోస్ట్ ప్రొడక్షన్స్ వర్క్ పూర్తి చేసి వచ్చే ఏడాది ప్రారంభంలోనే రిలీజ్కు ప్లాన్ చేస్తున్నారు.