Hari Hara Veera Mallu: పవర్ స్టార్ పవన్ కళ్యాణ్ కొత్త సినిమా “హరిహర వీరమల్లు”. క్రిష్ జాగర్లమూడి దర్శకత్వంలో తెరకెక్కుతున్న ఈ చిత్రంలో పవన్ సరసన నిధి అగర్వాల్ హీరోయిన్ గా నటిస్తోంది. ఈ సినిమాకి సంబంధించి షూటింగ్ దాదాపు రెండు సంవత్సరాలు పై నుండి జరుగుతుంది. షూటింగ్ స్టార్ట్ అయిన ప్రారంభంలో 40% చాలా త్వరగా కంప్లీట్ చేసేసారు. అయితే తర్వాత వెంటనే కరోనా ఎంట్రీ ఇవ్వడంతో మొత్తం లెక్కలన్నీ తారుమారు అయ్యాయి. కరోనా ప్రభావం బయట ఎక్కువగా ఉండటంతో అప్పట్లో ప్రభుత్వాలు తీసుకున్న నిర్ణయాలకు షూటింగ్ లు ఆగిపోవడం జరిగింది.
అయితే మళ్లీ షూటింగ్స్ స్టార్ట్ అయినా గాని పవన్ రాజకీయంగా బిజీ కావటంతో షూటింగులకు బ్రేకులు పడుతూ వచ్చింది. చాలా సందర్భాలలో ఈ సినిమా ఆగిపోయినట్లు వార్తలు కూడా వచ్చాయి. ఇలాంటి తరుణంలో లేటెస్ట్ న్యూస్ ఒకటి ఇప్పుడు వైరల్ అవుతుంది. “హరిహర వీరమల్లు” మేజర్ టాకీ పార్ట్ మొత్తం కంప్లీట్ కావడం జరిగిందట. ఈ క్రమంలో ఈ సినిమా ఫైట్ మాస్టర్ విజయ్.. మరొక షెడ్యూల్ కంప్లీట్ చేయడం జరిగిందంట. తాజాగా పవన్ కళ్యాణ్ తో దిగిన ఫొటోస్ సోషల్ మీడియాలో పోస్ట్ చేయడం జరిగింది. చిన్నపాటి బ్యాలెన్స్ ఇంకా వచ్చే రెండు నెలలలో కంప్లీట్ చేసి మార్చి 29వ తారీకు సినిమా రిలీజ్ చేయడానికి ప్లాన్ చేస్తున్నారు. అనుకున్న సమయం కల్లా సినిమా విడుదల అయ్యేలా… నిర్మాతలు తగు జాగ్రత్తలు తీసుకున్నారట.
పవన్ కళ్యాణ్ ఫస్ట్ టైం పౌరాణిక నేపథ్యంలో… మొగలుల సామ్రాజ్యం కాలం నాటి కథతో సినిమా చేస్తున్నారు. గుర్రపు స్వారీలు పాతకాలం యుద్ధ విద్యలతో ఫైట్స్ చిత్రీకరించడం జరిగింది. పాన్ ఇండియా నేపథ్యంలో తెరకెక్కిన ఈ చిత్రంలో… పవన్ చాలా విభిన్నమైన క్యారెక్టర్ చేసినట్లు సమాచారం. “ఖుషి” సినిమా నిర్మాత ఏఏం రత్నం భారీ బడ్జెట్ తో తెరకెక్కించడం జరిగింది. ఈ సినిమా తర్వాత హరీష్ “ఉస్తాద్ భగత్ సింగ్” పవన్.. స్టార్ట్ చేయనున్నారట.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!