Pawan kalyan: పవర్ స్టార్ పవన్ కళ్యాణ్తో సినిమా అంటే ఇప్పుడు చాలా సమయం, ఓపిక ఉండాలి. ఎందుకంటే ఆయనకు సినిమాలు మాత్రమే కాదు..రాజకీయాలు కూడా చాలా ప్రధానం. ఒకవైపు అభిమాను లను అలరిస్తూనే, మరోవైపు జనాలకు సేవ చేయాలని ఆరాటపడుతున్నారు పవన్ కళ్యాణ్. రాజకీయాలలోకి వెళ్ళిన్నా మీరు సినిమాలు చేయాల్సిందే అని అందరూ పట్టుపట్టడంతో మళ్ళీ రీ ఎంట్రీ ఇచ్చిన పవన్ కళ్యాణ్ వరుసగా సినిమాలను కమిటయ్యాడు.
కానీ, కరోనాతో పాటు ఇతర కారణాల వల్ల ఏ ఒక్క ప్రాజెక్ట్ కూడా సాఫీగా షూటింగ్ జరగడం లేదు. ఏదో ఒకరకంగా అడ్డంకులు ఎదురవుతూనే ఉన్నాయి. వకీల్ సాబ్ సినిమా షూటింగ్ కూడా బ్రేకులు పడుతూ సాగింది. ఆ సినిమా రిలీజై భారీ హిట్ అందుకుంది. ఆ తర్వాత వచ్చిన్న భీమ్లా నాయక్ సినిమా కూడా అంతే. ఆగుతూ అగుతూ షూటింగ్ పూర్తి చేసుకుంది. ఈ నేపథ్యంలో పవన్ పూర్తి చేయాల్సిన హరిహర వీరమల్లు సినిమాతో పాటు హరీశ్ శంకర్ తెరకెక్కించాల్సిన భవదీయుడు భగత్సింగ్, సురేందర్ రెడ్డి చిత్రాల పరిస్థితి ఏంటీ అని వార్తలు మొదలయ్యాయి.
Pawan kalyan: జూన్ నుంచి భవదీయుడు భగత్సింగ్ మూవీ షూటింగ్..!
అంతేకాదు, హరీశ్ శంకర్ – పవన్ కళ్యాణ్ల భవదీయుడి చిత్రానికి మరో అగ్ర దర్శకుడు అడ్డుపడుతున్నాడని మరో రీమేక్ సినిమాను లైన్లో పెడుతున్నట్టు ప్రచారం జరుగుతోంది. దీనిపై తాజాగా దర్శకుడు హరీశ్ శంకర్ క్లారిటీ ఇస్తూ సోషల్ మీడియాలో క్రియేట్ చేసిన రూమర్స్ ఇవి అని.. భవదీయుడుకి ఎవరూ అడ్డుపడటం లేదని తెలిపారు. అంతేకాదు..అన్నీ అనుకున్నట్టు పూర్తైతే జూన్ నుంచి భవదీయుడు భగత్సింగ్ మూవీ షూటింగ్ మొదలవనుందని హరీశ్ సన్నిహిత వర్గాలు అంటున్నాయి. ఇక పవన్తో ఆయన తీసిన గబ్బర్ సింగ్ ఎంత పెద్ద హిట్ అయిందో అందరికీ తెలిసిందే. దానికి మించి హిట్ ఇవ్వాలని హరీశ్ పక్కా ప్లాన్తో ఉన్నాడు.