Shakeela : షకీలా ఈ పేరు తెలియని వారంటూ ఎవరూ ఉండరు. ఇంక ప్రత్యేకంగా పరిచయం అవసరం లేదు. ఒకప్పుడు సినిమాలలో సెక్సీ లేడీగా ఎన్నో సినిమాలలో నటించి ఎంతో మంది ప్రేక్షకులను సంపాదించుకున్నారు షకీలా. అప్పట్లో షకీలా సినిమా విడుదల అవుతుందంటే చాలుపెద్ద హీరోల సినిమాలు సైతం విడుదల వాయిదా వేసుకునేవారు అంతటి క్రేజ్ సంపాదించుకున్నారు. షకీలా నటించిన ప్రతి సినిమా బాక్స్ ఆఫీసు వద్ద కాసుల వర్షం కురిపించింది. ఇండస్ట్రీలో ఎంతటి పేరు సంపాదించుకున్న షకీలా ఉన్నఫలంగా తన సినిమా కెరీర్ లో పూర్తి డీలా పడిపోయారు.అందుకు గల కారణం ఈమె సక్సెస్ ని చూడలేక కొంత మంది స్టార్ హీరోలు ఇండస్ట్రీలో షకీలాను అణగదొక్కారనే సమాచారం ఇప్పటికీ ఇండస్ట్రీలో వినపడుతోంది.
షకీలా ఆ తర్వాత సినిమాల్లో ప్రధాన పాత్రలు కాకుండా చిన్న చిన్న పాత్రలో నటిస్తూ ఉండేది. సినిమా జీవితం లోనే కాకుండా నిజ జీవితంలో కూడా ఎన్నో ఒడిదొడుకులను ఎదుర్కొన్న షకీలా ఎంతో మంచి మనసు కలది. వ్యక్తిగత జీవితంలో తనను అర్థం చేసుకునే వాడు దొరకకపోవడంతో ఇప్పటికీ పెళ్లి చేసుకోకుండా అలాగే ఒంటరి జీవితం గడుపుతున్నారు. తాజాగా షకీలా ఓ తమిళ బుల్లితెరపై ప్రసారమవుతున్న కుక్ విత్ కోమలిలో ఓ కంటెస్టెంట్గా పాల్గొన్నారు షకీలా. అందులో పాల్గొనడం ద్వారా ఆమెపై అందరిలో అంచనాలు మారిపోయాయి ఇందులో షకీలా గెలుస్తుందని భావిస్తున్నారు.
ఈ షో ద్వారా తన కూతురుని పరిచయం చేసిన షకీలా..
ఇదిలా ఉండగా వ్యక్తిగత జీవితంలో పెళ్లి చేసుకోకుండా ఉన్న షకీలా మిల్ల అనే ఒక ట్రాన్స్ జెండర్ అమ్మాయిని దత్తతకు తీసుకొని తన బాగోగులు చూసుకునే వారు. తాజాగా కుక్ విత్ కోమలి ఎపిసోడ్ లో షకీలా తన కూతురు మిల్లను అందరికీ పరిచయం చేశారు. ఒక్కసారిగా తన కూతుర్ని చూసిన ప్రేక్షకులు ఎంతో ఆశ్చర్యానికి గురయ్యారు. ఎంతో అందంగా ఉన్న మిల్ల ఎప్పుడు సోషల్ మీడియాలో యాక్టివ్ గా ఉంటూ తన ఫోటోలను షేర్ చేస్తూ ఉంటారు.మిల్ల కూడా నటిగా తానేంటో నిరూపించుకునేందుకు ప్రయత్నాలు చేస్తోంది.షకీలా పెళ్లి చేసుకోకుండా ఈ విధంగా ఒక ట్రాన్స్జెండర్ అమ్మాయిని దత్తత తీసుకొని ఆమె బాగోగులు చూసుకోవడంతో షకీలా పై నెటిజన్లు ప్రశంసల వర్షం కురిపిస్తున్నారు.