మాస్ మహారాజ రవితేజ “క్రాక్” సినిమాతో హిట్ ట్రాక్ ఎక్కి మళ్ళీ ఇప్పుడు రెండు ఫ్లాప్ లు అందుకోవటం జరిగింది. కిలాడి, రామారావు ఆన్ డ్యూటీ సినిమాలతో రెండు వరుస పరాజయాలు అందుకున్నారు. అయినా కానీ అరడజనుకు పైగానే రవితేజ చేతిలో సినిమాలు ఉన్నాయి. ప్రస్తుతం నాలుగు సినిమాలు సెట్స్ పై ఉన్నాయి. ధమాకా, రావణాసుర, టైగర్ నాగేశ్వరరావు వీటితోపాటు మెగాస్టార్ చిరంజీవితో సినిమా చేస్తున్నారు. డైరెక్టర్ భావి దర్శకత్వంలో చిరంజీవి హీరోగా తెరకెక్కుతున్న సినిమాలో రవితేజ కీలక పాత్ర పోషిస్తున్నారు.
ఇదంతా పక్కన పెడితే ఇప్పుడు మరో సినిమాకి రవితేజ గ్రీన్ సిగ్నల్ ఇచ్చినట్లు సమాచారం. విషయంలోకి వెళ్తే గోపీచంద్ హీరోగా లౌక్యం, లక్ష్యం సినిమాలు చేసిన శ్రీవాస్ దర్శకత్వంలో పొలిటికల్ సేటారికల్ జోనర్ తరహా ప్రాజెక్ట్ చేయడానికి రవితేజ గ్రీన్ సిగ్నల్ ఇచ్చినట్లు ఇండస్ట్రీలో టాక్. శ్రీవాస్ చెప్పిన స్టోరీ రవితేజ కి బాగా నచ్చిందట. దీంతో వీలయినంత త్వరగా ఈ సినిమాని సెట్స్ పైకి తీసుకెళ్లాలని రవితేజ భావిస్తున్నారట. ప్రస్తుతం ఉన్న రాజకీయ వ్యవస్థపై సైఠారికల్ గా స్టోరీ డిజైన్ చేసినట్లు సమాచారం.
గతంలోనూ ఇదే తరహాలో రవితేజ “దరువు” అనే సినిమా చేయడం జరిగింది. అది పెద్దగా అంతగా ఆకట్టుకోలేకపోయింది. కానీ శ్రీవాస్ చాలా కొత్త తరహాలో ప్రస్తుతం ఉన్న రాజకీయ వాతావరణాన్ని ప్రతిబింబించేలా చాలా కామెడీతో కూడిన మెసేజ్ ఓరియెంటెడ్ స్క్రిప్ట్.. వినిపించారట. రవితేజ కి చాలా బాగా నచ్చిందట. దీంతో త్వరలోనే ఈ ప్రాజెక్టుకు సంబంధించిన అధికారిక ప్రకటన రానున్నట్టు ఇండస్ట్రీ టాక్. ప్రస్తుతం హీరో గోపీచంద్ తో శ్రీవాస్ హ్యాట్రిక్ మూవీ చేస్తున్నారు. ఈ సినిమా తర్వాత రవితేజతో సినిమా చేయడానికి శ్రీవాసు రెడీ అయినట్లు ఇండస్ట్రీ వర్గాలు అంటున్నాయి.