ఇండియన్ ఫిలిం ఇండస్ట్రీలో ప్రస్తుతం సౌత్ ఇండస్ట్రీ హవా కొనసాగుతోంది. “బాహుబలి 2”, “RRR”, “KGF”, “KGF 2″… ఈ సినిమాలు తిరుగులేని కలెక్షన్ సాధించాయి. దాదాపు 1000 కోట్లకు పైగానే ఈ సినిమాలు కలెక్షన్ సాధించడంతో.. పాటు ప్రపంచవ్యాప్తంగా భారీ ఎత్తున ఈ సినిమాలకు క్రేజ్ ఏర్పడింది. ఈ పరిణామంతో బాలీవుడ్ సినిమాల పరిస్థితి ఆటలో అరటిపండు అన్నట్టు మారిపోయాయి. హిందీ సినిమాలు కనీసం పోటీ కూడా ఇవ్వలేకపోతున్నాయి.
దీంతో బాలీవుడ్ ఇండస్ట్రీలో టాప్ హీరోలు దక్షిణాది సినిమా రంగానికి చెందిన దర్శకులతో సినిమాలు చేయడానికి ఎక్కువ ఇంట్రెస్ట్ చూపిస్తున్నారు. ఈ క్రమంలో బాలీవుడ్ కింగ్ ఖాన్ షారుక్ ఖాన్ కూడా దక్షిణాది సినిమా రంగానికి చెందిన దర్శకులతో పనిచేయడానికి ముందుకు వచ్చారు. విషయంలోకి వెళ్తే తమిళ ఇండస్ట్రీలో స్టార్ డైరెక్టర్ అట్లీ దర్శకత్వంలో షారుక్ సినిమా చేస్తున్న సంగతి తెలిసిందే. “జవాన్” టైటిల్ పేరిట తెరకెక్కుతున్న ఈ సినిమా షూటింగ్ శరవేగంగా సాగుతోంది.
ఇటీవల సినిమాకి సంబంధించి చిన్న పాటి ఫస్ట్ లుక్ వీడియో విడుదల చేశారు. వచ్చే ఏడాది జవాన్ రిలీజ్ చేస్తున్నట్లు వీడియోలో తెలిపారు. అయితే ఈ సినిమాలో అట్లీ తమిళ సినిమా హీరో దళపతి విజయ్ తో స్పెషల్ క్యారెక్టర్ చేయిస్తున్నారట. ఫస్ట్ టైం విజయ్ షారుక్ ఖాన్ తో.. కీలక పాత్రలో “జవాన్” సినిమాలో కనిపిస్తున్నారట. అయితే ఈ పాత్ర కోసం విజయ్ ఒకరోజు కాల్ షీట్ ఇవ్వడం జరిగిందట. త్వరలోనే “జవాన్” సెట్స్ లోకి విజయ్ వెళ్లనున్నట్లు లేటెస్ట్ టాక్ సౌత్ ఫిలిం ఇండస్ట్రీలో నడుస్తోంది. గతంలో విజయ్.. అట్లీ దర్శకత్వంలో పలు సూపర్ డూపర్ హిట్ సినిమాలు చేయడం జరిగింది. ఆ చనువుతో “జవాన్” సినిమా ఒప్పుకున్నట్లు సమాచారం.