టాలీవుడ్ హీరోయిన్ రాశి ఖన్నా గురించి పరిచయం అక్కర్లేదు. ‘ఊహలు గుసగుసలాడే’ సినిమాతో మంచి హిట్ కొట్టిన అమ్మడు తరువాత వెనక్కి తిరిగి చూసుకోవలసిన అవసరం లేకుండా పోయింది. ఆ తర్వాత కాలంలో కూడా వరుసగా పలు సినిమాల్లో నటించి మంచి నటిగా పేరు సంపాదించుకుంది. అయితే స్టార్ హీరోయిన్ గా పెద్ద హీరోలతో నటించే అవకాశం మాత్రం దక్కించుకోలేక పోయింది. ఇండస్ట్రీలో అడుగు పెట్టి దాదాపుగా దశాబ్ద కాలం గడుస్తున్నా ఇంకా టాలీవుడ్ లో సరైన సక్సెస్ కోసం.. అవకాశాల కోసం ఎదురు చూడాల్సిన పరిస్థితి వుంది.
ప్రస్తుతం దానిమీదే గురి:
ఇటీవలే మన రాశి పక్కా కమర్షియల్ సినిమాతో ప్రేక్షకుల ముందుకు వచ్చింది. అయితే ఈ సినిమా ఫలితం తేడా కొట్టడంతో అమ్మడు డిఫెన్స్ లో పడింది. ఇకపోతే త్వరలో విడుదలకు సిద్ధం కాబోతున్న ‘థాంక్యూ’ పై మాత్రం అమ్మడు గట్టి నమ్మకం పెట్టుకుంది. ఎందుకంటే ఈ సినిమానుండి విడుదలైన ట్రైలర్ యూట్యూబ్ లో ట్రెండింగ్ లో వుంది. నాగ చైతన్య హీరోగా విక్రమ్ కే కుమార్ దర్శకత్వంలో రూపొందిన థాంక్యూ సినిమాలో ఈ అమ్మడు నటించిన సంగతి విదితమే. థాంక్యూ సినిమా త్వరలో ప్రేక్షకుల ముందుకు రాబోతుంది. తెలుగులో థాంక్యూ సినిమా విడుదల అయ్యి మంచి విజయాన్ని సొంతం చేసుకుంటే అయినా రాశి ఖన్నాకు ఇక తిరుగుండదు.
మరింత సమాచారం:
పక్కా కమర్షియల్ సినిమా తేడాకొట్టినా థాంక్యూ విషయంలో మాత్రం రాశి ఖన్నా పాజిటివ్ గా కనిపిస్తుంది. రాశి ఖన్నా ఈ సినిమా తో కూడా మళ్లీ నిరాశ పర్చితే మాత్రం టాలీవుడ్ లో ఆఫర్లకు ఒకింత కష్టతరం నెలకొంటుంది. ఇక రాశి ఖన్నా తెలుగు సినిమాలకు కాస్త దూరం అవుతున్నట్టు సమాచారం. ఎందుకంటే తమిళంలో ఈ అమ్మడు వరుసగా సినిమాలు చేస్తూనే ఉంది. తమిళంలో బిజీగానే ఉన్న ఈమె టాలీవుడ్ ని లైట్ తీసుకున్నట్టు సమాచారం.