Shaakuntalam Trailer: గుణశేఖర్ దర్శకత్వంలో సమంత ప్రధాన పాత్రలో నటించిన “శాకుంతలం” ట్రైలర్ కొద్దిసేపటి క్రితం రిలీజ్ అయింది. దిల్ రాజు మరియు గుణశేఖర్ నిర్మాణ సారధ్యంలో వస్తున్న ఈ సినిమా ఫిబ్రవరి 17వ తారీఖు విడుదల కానుంది. పాన్ ఇండియా నేపథ్యంలో తెరకెక్కిన ఈ చిత్రంలో మలయాళ నటుడు దేవ్ మోహన్ పరిచయం తెలుగు ప్రేక్షకులకు కానున్నారు. ఈ క్రమంలో హైదరాబాద్ లో ఈరోజు “శాకుంతలం” ట్రైలర్ సినిమా యూనిట్ రిలీజ్ చేయడం జరిగింది. అద్భుతమైన గ్రాఫిక్స్ మరియు సెట్స్ తో… విజువల్ వండర్ గా రెండున్నర నిమిషాల పాటు వీక్షకులను ఎంతగానో కనువిందు చేసింది.
ట్రైలర్ లో సమంత హావభావాలు ఎంతగానో ఆకట్టుకున్నాయి. ఆమె వస్త్రధారణ సినిమా కథకి సరిగ్గా సరిపోయేలా ట్రైలర్ లో చూపించారు. ఈ ట్రైలర్ లో అనన్య నాగళ్ళ, మోహన్ బాబు, గౌతమి, ప్రకాష్ రాజ్ పాత్రలను చూపించడం జరిగింది. ఇంకా ట్రైలర్ చివరిలో అల్లు అర్జున్ కూతురు అర్హనీ భరతుడి పాత్రలో సింహం పై వచ్చేలా.. ఇంట్రడక్షన్ సన్నివేశం అద్భుతంగా ఆకట్టుకుంది. సినిమాటోగ్రాఫి శేఖర్ జోసఫ్ పనితనం కూడా చాలా బాగుంది. మరోసారి మణిశర్మ తన బాణీలతో అద్భుతంగా ఆకట్టుకున్నాడు.
అరణ్యంలో ఏకాకిల ఆశ్రమ వాసంలో ఉండే శకుంతల… మరోవైపు ఒక రాజ్యానికి సంబంధించిన రాజబోగాలు అనుభవించే దుష్యంతుడి.. మధ్య పరిచయం ప్రేమ వివాహం ఇంకా విరహం.. భావోద్వేగాకరమైన సన్నివేశాలు భరతుడి జననం.. ట్రైలర్ లో సినిమా పై ఇంట్రెస్ట్ కలిగించేలా చూపించారు. అన్నిటికి మించి విజువల్ మరియు గ్రాఫిక్స్ వర్క్ ఎంతగానో ఆకట్టుకున్నాయి. మాయోసైటీస్ వంటి ప్రాణాంతకరమైన వ్యాధితో పోరాడుతున్న సమంత చాలా కాలం తర్వాత మీడియా ముందుకు రావడంతో ఆమె అభిమానులు ఎంతో సంతోషపడుతున్నారు. “శాకుంతలం” ట్రైలర్ కార్యక్రమంలో… సమంత చాలా ఎమోషనల్ గా కనిపించింది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!