హీరోయిన్ తాప్సి అందరికీ సుపరిచితురాలే. తెలుగు సినిమాలతో పాటు వివిధ భాషలలో తాప్సీ 40 సినిమాలకు పైగా నటించడం జరిగింది. సినిమాలో రాకముందు ఇన్ఫోసిస్ సాఫ్ట్వేర్ ఇంజనీర్ గా, మోడల్ గా కూడా పనిచేయడం జరిగింది. 2010వ సంవత్సరంలో రాఘవేంద్రరావు దర్శకత్వంలో “ఝుమ్మంది నాదం” సినిమాతో సినీ ఎంట్రీ ఇచ్చి అనతి కాలంలోనే స్టార్ హీరోయిన్ గా మారింది. ఆగస్టు మొదటి తారీకు తాప్సి జన్మదినంతో పాటు ఆమె సినిమా ఇండస్ట్రీ లోకి అడుగుపెట్టి 12 సంవత్సరాలు కావటంతో ఇటీవల ఓ ఇంటర్వ్యూలో కీలక వ్యాఖ్యలు చేయడం జరిగింది.
ఇంటర్వ్యూలో సినిమా రంగంలో మహిళల పట్ల వివక్షత ఉందని పేర్కొంది. తన కెరియర్ స్టార్ట్ అయిన నాటి నుండి సినిమా ఇండస్ట్రీలో.. ఇటువంటి వివక్షత చూస్తూనే ఉన్నానని స్పష్టం చేసింది. షూటింగ్ లొకేషన్ లో సౌకర్యాలు మొదలు… పారితోషకాల దాకా మేల్, ఫిమేల్ అనే తేడాలు చూపిస్తున్నారని ఆరోపించింది. ఈ క్రమంలో తాను నిర్మాతగా మారిన తర్వాత ఇటువంటి సమస్య ఎక్కడ కూడా తన సెట్స్ లో లేకుండా చూసుకుంటానని స్పష్టం చేసింది.
ప్రస్తుతం తాప్సీ నిర్మాణ సారధ్యంలో సమంత కీలకపాత్రలో … హీరోయిన్ ఓరియంటెడ్ సినిమా నిర్మించడానికి రెడీ అవుతుంది. హిందీలో ఈ సినిమా తెరకెక్కనుంది. బాలీవుడ్ మొదలుకొని సౌత్ ఫిలిం ఇండస్ట్రీ వరకు తనకంటూ సెపరేట్ ఇమేజ్ కలిగిన తాప్సి సినిమా ఇండస్ట్రీ గురించి తాజాగా చేసిన వ్యాఖ్యలు సంచలనంగా మారాయి. ప్రస్తుతం తాప్సి ఒకపక్క సినిమాలు చేస్తూ మరోపక్క నిర్మిస్తూ ఇంకోపక్క వెబ్ సిరీస్ లలో నటిస్తోంది. హీరోయిన్ తాప్సి తెలుగు సినిమాల లిస్టు.. ఝుమ్మంది నాదం, వస్తాడు నా రాజు, మిస్టర్ పర్ఫెక్ట్, వీర, మొగుడు, దరువు, గుండెలో గోదారి, షాడో, సాహసం, దొంగాట, ఘాజీ అటాక్, ఆనందో బ్రహ్మ, నివేవరో, గేమ్ ఓవర్. మొత్తంగా చూసుకుంటే తన 12 ఏళ్ళ కెరియర్ లో దాదాపు 40 సినిమాలకు పైగా తాప్సీ నటించడం జరిగింది.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!