HIT 2: న్యాచురల్ స్టార్ నాని నిర్మాణ దర్శకత్వంలో “హిట్ 2” ఇటీవల విడుదలయ్యి సూపర్ డూపర్ హిట్ కావటం తెలిసిందే. శైలేష్ కొలను దర్శకత్వంలో వచ్చిన ఈ సినిమా పాజిటివ్ టాక్ తో దూసుకుపోతోంది. ఈ సినిమా సూపర్ డూపర్ హిట్ కావడంతో ఇటీవల సక్సెస్ మీట్ సినిమా యూనిట్ నిర్వహించింది. ఈ సందర్భంగా హీరో అడివి శేష్ … సూపర్ స్టార్ మహేష్ బాబు గురించి సంచలన వ్యాఖ్యలు చేశారు. “ఈ సినిమా ఎటువంటి టాక్ తీసుకొస్తుందని చాలా టెన్షన్ పడ్డాను. ఉదయాన్నే నిద్ర లేవగానే మహేష్ బాబు గారు అర్ధరాత్రి చేసిన మూడు మిస్డ్ కాల్స్ వచ్చాయి.
దీంతో వెంటనే మహేష్ బాబు గారికి అప్పటికప్పుడే రిటర్న్ కాల్ చేయడం జరిగింది. ఆయన టైంలో అన్న మాటలు నేను ఎప్పటికీ మర్చిపోలేను. నిన్ను చూసి చాలా గర్వపడుతున్నాను శేష్.. అని అన్నారు. ఆ మాట అనగానే ఒక్కసారిగా నా కళ్ళల్లో నుండి ఆనందభాష్పాలు వచ్చాయి. ఆ తర్వాత ప్రసాద్ ఐమాక్స్ కి వెళ్లాను. అయితే థియేటర్ వద్ద ట్రాఫిక్ జామ్ వలన నా షో కి నేనే వెళ్లలేని పరిస్థితి నెలకొంది. థియేటర్ రెస్పాన్స్ చూసి చాలా షాక్ అయ్యాను. నా ప్రయత్నాన్ని ఎంతమంది సపోర్ట్ చేయటం నాకు చాలా ఆనందం మాత్రమే కాదు కావాల్సింది ఇదే అని అనిపించింది.. అంటూ అడివి శేష్ స్పీచ్ ఇచ్చారు.
“హిట్ 2” విజయాన్ని అడవి శేష్ ఫుల్ ఎంజాయ్ చేస్తున్నారు. ఈ సినిమా విజయంతో… బిగ్ బాస్ హౌస్ లోకి కూడా ఎంట్రీ ఇవ్వడం జరిగింది. ఆదివారం జరిగిన ఎపిసోడ్ లో బీబీ సీజన్ సిక్స్ స్టేజ్ పై.. సందడి చేయడం జరిగింది. ఇక “హిట్ 2” రెండు రోజుల కలెక్షన్ చూస్తే… భారీ బిజినెస్ చేసింది. రెండు తెలుగు రాష్ట్రాలలో ₹10.25 కోట్లు బిజినెస్ జరిగింది. అలాగే, మిగిలిన ప్రాంతాలను కలుపుకుని ప్రపంచ వ్యాప్తంగా ఈ సినిమా ₹14.25 కోట్లు రాబటినట్లు ట్రేడ్ వర్గాల టాక్. కిల్లర్ సస్పెన్స్ నేపధ్యంలో అని వర్గాల ఆడియాన్స్ నీ ఆకట్టుకున్న ఈ మూవీ ఫుల్ టైం కలెక్షన్స్ అడవి శేష్ కెరియర్ లోనే హైయెస్ట్ వసూళ్ళు సాధించే సినిమాగా రికార్డు నెలకొలిపే అవకాశం ఉన్నట్లు వార్తలు వస్తున్నాయి.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!