Allu Arjun: ఐకాన్ స్టార్ అల్లు అర్జున్ తొలి పాన్ ఇండియా చిత్రం `పుష్ప`. సుకుమార్ ద‌ర్శ‌క‌త్వం వ‌హిస్తున్న ఈ చిత్రంలో ర‌ష్మిక మంద‌న్నా హీరోయిన్‌గా న‌టించ‌గా.. టాలీవుడ్ నటుడు సునీల్‌, మాలీవుడ్ హీరో ఫహాద్‌ ఫాజిల్ విల‌న్లుగా న‌టించారు. రెండు భాగాలుగా ఈ చిత్రం రాబోతుండ‌గా.. ఫ‌స్ట్ పార్ట్ `పుష్ప ది రైస్‌` డిసెంబ‌ర్ 17న విడుద‌లై ఘ‌న విజ‌యం సాధించింది.
విడుద‌లైన అన్ని భాష‌ల్లోనూ క‌లెక్ష‌న్స్ ప‌రంగా దుమ్ముదులిపేసింది. ఇప్ప‌టికీ కొన్ని కొన్ని చోట్ల ఈ మూవీ సాలిడ్ కాలెక్ష‌న్స్‌ను రాబ‌డుతూ.. క్రేజీ రికార్డుల‌ను సృష్టిస్తోంది. ఇక‌పోతే ఎర్ర చంద‌నం స్మ‌గ్లింగ్ నేప‌థ్యంలో రూపుదిద్దుకున్న ఈ మూవీలో బ‌న్నీ పుష్ప‌రాజ్‌గా ఊర‌మాస్ గెట‌ప్‌లో క‌నిపించిన సంగ‌తి తెలిసిందే.
పుష్ప‌రాజ్‌గా మేకోవ‌ర్ అవ్వ‌డానికి ఏకంగా రెండు గంట‌లు స‌మ‌యం ప‌ట్టేద‌ని, ఉద‌యం 5 నుంచి 7 గంట‌ల దాకా మేక‌ప్ కోస‌మే స‌మ‌యం కేటాయించాల్సి వ‌చ్చేద‌ని బ‌న్నీ పుష్ప రిలీజ్‌కు ముందే ఓ ఇంట‌ర్వ్యూలో తెలియ‌జేశాడు. అయితే బ‌న్నీ పుష్ప‌రాజ్‌గా ఎలా మేకోవ‌ర్ అయ్యాడు అనేది తెలియ‌జేస్తూ చిత్ర టీమ్ తాజాగా సోష‌ల్ మీడియా ద్వారా ఓ వీడియోను షేర్ సింది.
`మీకు తెలిసిన ఫైర్.. మీకు తెలియని ట్రాన్స్ఫర్మేషన్` అంటూ క్యాప్ష‌న్ కూడా ఇచ్చారు. ప్ర‌స్తుతం నెట్టింట వైర‌ల్‌గా మారిన ఈ వీడియోలో ఐకాన్ స్టార్ అల్లు అర్జున్ క్రూరమైన పుష్పరాజ్ గా ఎలా మారాడు అన్న‌ది చూడొచ్చు.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!