“పుష్ప” హిట్ తో ప్రపంచవ్యాప్తంగా ఐకాన్ స్టార్ అల్లు అర్జున్ కి బ్రాండ్ క్రియేట్ అవ్వడం తెలిసిందే. సుకుమార్ దర్శకత్వంలో గత ఏడాది వచ్చిన “పుష్ప”..పాన్ ఇండియా లెవెల్ లో రిలీజ్ అయ్యి ఘన విజయం సాధించింది. సినిమాలో బన్నీ పలికిన తగ్గేదేలే డైలాగ్ ప్రపంచవ్యాప్తంగా వైరల్ అయింది. దీంతో అల్లు అర్జున్ మార్కెట్ వరల్డ్ వైడ్ గా క్రియేట్ అయింది. ఈ పరిణామంతో మార్కెట్ లో ఉన్న ప్రముఖ కంపెనీలు.. అన్ని వెంటపడుతున్నా పరిస్థితి నెలకొంది.
ఈ క్రమంలో ఇటీవలే మాటల మాంత్రికుడు త్రివిక్రమ్ దర్శకత్వంలో ఓ యాడ్ షూటింగ్ లో బన్నీ పాల్గొన్నారు. ఆ తర్వాత రీసెంట్ గా హరిశంకర్ దర్శకత్వంలో మరో ప్రముఖ కంపెనీకి సంబంధించిన షూటింగ్ లో బన్నీ జాయిన్ కావడం జరిగింది. రెండు రోజుల క్రితం త్రివిక్రమ్ షూటింగ్ లో పాల్గొన్న బన్నీ తాజాగా.. ఓ ప్రముఖ పైపుల కంపెనీకి సంబంధించిన యాడ్ కోసం హరి శంకర్ దర్శకత్వంలో నటించడం జరిగింది. తాజాగా ఈ యాడ్ వీడియో సోషల్ మీడియాలో వైరల్ అవుతుంది. హరిశంకర్ సీన్ వివరిస్తుంటే బన్నీ వింటున్నాడు.
గతంలో బన్నీ ..హరిశంకర్ దర్శకత్వంలో “దువ్వాడ జగన్నాథం” అనే సినిమా చేయడం జరిగింది. ఆ సినిమా ప్రేక్షకులను బాగానే ఎంటర్ టైన్ చేసింది. మళ్లీ చాలాకాలం తర్వాత ఇప్పుడు హరీష్ దర్శకత్వంలో బన్నీ యాడ్ షూటింగ్ లో నటించటం విశేషం. ఇదిలా ఉంటే త్వరలో హరీష్ … పవన్ కళ్యాణ్ తో “భగత్ సింగ్ భవదీయుడు” సినిమా షూటింగ్ మొదలు పెట్టమన్నారు. ఇక బన్నీ ఆగస్టు మూడో వారం లేదా చివరిలో.. “పుష్ప 2” రెగ్యులర్ షూటింగ్ స్టార్ట్ చేయనున్నారు.
