Pushpa 2: ఆంధ్రప్రదేశ్ రాష్ట్రం విశాఖపట్నంలో వరుసపెట్టి షూటింగ్ లు, ప్రీ రిలీజ్ వేడుకలు జరుగుతున్న సంగతి తెలిసిందే. మొన్నటివరకు శంకర్ దర్శకత్వంలో చరన్ నటిస్తున్న “RC 15” రెగ్యులర్ షూటింగ్ జరగడం జరిగింది. ఇదిలా ఉంటే ఇప్పుడు సుకుమార్ దర్శకత్వంలో ఐకాన్ స్టార్ అల్లు అర్జున్ నటిస్తున్న “పుష్ప 2” రెగ్యులర్ షూటింగ్ విశాఖలో జరగనున్నట్లు సమాచారం. బన్నీపై విశాఖపట్నంలో కొన్ని కీలకమైన సన్నివేశాలను చిత్రీకరించనున్నారట. దాదాపు పది పదిహేను రోజులపాటు విశాఖపట్నంలో షెడ్యూల్ జరగనుందట. వచ్చే నెలలో రష్మిక షూటింగ్ లో జాయిన్ కానుంది.
“పుష్ప 2” షూటింగ్ ఆల్రెడీ గత ఏడాది హైదరాబాదులో స్టార్ట్ అయింది. ఆ సమయంలో ఐదు రోజులపాటు షూటింగ్ జరిగినట్లు సమాచారం. కాగా విశాఖపట్నం షెడ్యూల్ నుండి ఏకధాటిగా షూటింగ్ జరుపుకోనుందట. దసరాకి విడుదల చేసే ఆలోచనలో సినిమా యూనిట్ ఉన్నట్లు సమాచారం. పుష్ప మొదటి భాగం ప్రపంచవ్యాప్తంగా సూపర్ డూపర్ హిట్ కావటం తెలిసిందే. “తగ్గేదేలే” డైలాగ్ ఇంకా సినిమాలో ఐటెం సాంగ్స్ మరియు “శ్రీవల్లి” సాంగ్ లో బన్నీ వేసిన స్టెప్పులు.. చాలామందిని ఆకట్టుకున్నాయి. ప్రపంచ స్థాయిలో ఉండే క్రీడాకారులను రాజకీయ నాయకులను ఎంతగానో ప్రభావితం చేశాయి.
ఎక్కడ ఎవరు చూసినా తగ్గేదేలే అనే డైలాగ్ వేసి చాలా పాపులర్ కూడా అయ్యారు. సినిమా వచ్చి ఏడాది అయిపోయిన గాని ఇప్పటికీ కూడా పుష్ప మొదటి భాగం డైలాగులు పాటలు .. సోషల్ మీడియాలో వైరల్ అవుతూనే ఉన్నాయి. దీంతో సెకండ్ భాగం మొదటి భాగం కంటే మరెన్నో ఎక్కువ భాషల్లో విడుదల చేయడానికి సన్నాహాలు చేస్తున్నారు. ఈ సినిమాలో బాలీవుడ్ ఇండస్ట్రీకి చెందిన నటీనటులు కూడా నటించనున్నట్లు సమాచారం. పాన్ ఇండియా నేపథ్యంలో తెరకెక్కిస్తున్న ఈ సినిమాలో విలన్ పాత్రలో జగపతిబాబు కనిపించనున్నట్లు ప్రచారం జరుగుతుంది.