Chiranjeevi Nithin: హీరో నితిన్.. పవన్ కళ్యాణ్ కి వీరాభిమాని అనీ అందరికీ తెలుసు. దీంతో మెగా ఫ్యాన్స్ నితిన్ సినిమాలను కూడా సపోర్ట్ చేస్తూ ఉంటారు. అలాగే పవన్ పలు సందర్భాలలో నితిన్ సినిమా ప్రీ రిలీజ్ వేడుకకు చీఫ్ గెస్ట్ గా కూడా రావటం జరిగింది. అటువంటి నితిన్ తాజాగా చిరంజీవి సినిమాలో నటించే ఛాన్స్ కొట్టేసినట్లు వార్తలు వస్తున్నాయి. మేటర్ లోకి వెళ్తే తమిళ్ “వేదళం” సినిమా అని తెలుగులో “బోలా శంకర్” గా రీమేక్ అవుతున్న సంగతి తెలిసిందే. మెహర్ రమేష్ దర్శకత్వంలో చిరంజీవి హీరోగా ఈ సినిమా తెరకెక్కుతోంది. తమిళంలో అజిత్ నటించాడు. అన్నా చెల్లెలు స్టోరీ నేపథ్యంలో తెరకెక్కిన ఈ మూవీ తమిళంలో సూపర్ డూపర్ హిట్ అయింది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
అయితే తెలుగులో చిరంజీవి, కీర్తి సురేష్ అన్నా చెల్లెలుగా నటిస్తున్నారు. ప్రస్తుతం ఈ సినిమాకి సంబంధించి షూటింగ్ శరవేగంగా సాగుతోంది. హైదరాబాద్ లో ఫైట్ మాస్టర్స్ రామ్-లక్ష్మణ్ ఆధ్వర్యంలో యాక్షన్ సన్నివేశాలు చిత్రీకరిస్తున్నారు. అయితే ఈ సినిమాలో కీర్తి సురేష్ కి లవర్ పాత్రలో హీరో నితిన్ నీ తీసుకోవడానికి మేకర్స్ డిసైడ్ అయినట్లు సమాచారం.
ఆల్రెడీ నీ డైరెక్టర్ మెహర్ రమేష్.. నితిన్ కి.. చేయబోయే పాత్ర వినిపించినట్లు ఓకే చెప్పినట్లు ఇండస్ట్రీలో టాక్. త్వరలోనే ఈ వార్తకు సంబంధించి అధికారిక ప్రకటన రానున్నట్లు సమాచారం. వచ్చే ఏడాది సంక్రాంతి పండుగకు “బోలా శంకర్” విడుదల కానున్నట్లు తెలుస్తోంది. ఇక ఇదే సమయంలో ఆగస్టు నెలలో చిరంజీవి పుట్టినరోజు వస్తూ ఉండటంతో ఆ టైంలో సినిమా టీజర్ విడుదల చేసే ఆలోచనలో డైరెక్టర్ మెహర్ రమేష్ ఉన్నారు.