Intinti Gruhalakshmi: దివ్య నిద్రపోతుండగా అలారం మోగుతుంది.. నా ఫోన్లో అలారం పెట్టెంత ధైర్యం ఒక్క మమ్మీకి మాత్రమే ఉంటుంది అని అనుకుంటుంది. మమ్మీ కి క్లాస్ ఇవ్వాలని దివ్య లెగిసేసరికి తన టేబుల్ మీద ఒక పేపర్ కనిపిస్తుంది. దానిమీద దివ్య నేను బయటకు వెళ్తున్నాను. నానమ్మ తాతయ్యకి కాఫీ ఫ్లాస్క్ లో పోసి పెట్టాను. వాళ్ళకి ఇవ్వు అని రాసి ఉంటుంది.. ఇంత పొద్దున్నే అమ్మ ఎక్కడికి వెళ్ళిందో అని ఆలోచనలో పడుతుంది దివ్య..
- Read the latest news from NEWSORBIT
- Follow us on facebook , Twitter , instagram and Googlenews
Intinti Gruhalakshmi:
తులసి ప్రవళిక తో కలిసి జాగింగ్ కి వెళ్తుంది. తులసి గురించి తెలుసుకున్న ప్రవళిక తనకు హితబోధ చేస్తుంది. జీవితంలో నీకంటూ కొన్ని ఆశలు ఉంటాయి ఆ దిశగా నువ్వు అడుగులు వేయాలి అని అంటుంది. తులసి నేను అంటే నా సంసారం, నా పిల్లలు అంతే కదా అంతకుమించి ఇంకేం ఉంటుంది అని అమాయకంగా అడుగుతుంది తులసి.. ఇలా ఆలోచించి ఆడవాళ్ళు తప్పు చేస్తున్నారు అని ప్రవళిక అంటుంది. దేవుడు అందుకే కదా మనల్ని సృష్టించింది అని అంటుంది. బాధ్యతల్ని మో ఏమంటే బాధ్యతలు మోయడం అంటే నీ ఆశల్ని ఇష్టాన్ని చంపమని కాదు ప్రతి మనిషికి కొన్ని ఆశలు ఇష్టాలు కోరికలు ఉంటాయి.. ఆడవాళ్లకు కూడా కొన్ని కోరికలు ఇష్టాఇష్టాలు ఉంటాయి. ఎందుకంటే వాళ్లకు కూడా ఒక మనసు ఉంటుంది కాబట్టి అని ప్రవళిక జ్ఞాన బోధ చేస్తుంది. పెళ్లంటే ఆ ఆశల్ని మర్చిపోయి బ్రతకడం కాదు.. వాటితో సంబంధం లేకుండా బ్రతకడము కాదు.. పెళ్లి అయిన తర్వాత మన జీవితం మన చేతుల్లో ఉండదు ప్రవళిక అందుకు నేనే ఉదాహరణ అని తులసి చెబుతుంది. అవును అందుకు నేను ఒప్పుకుంటాను. మన జీవితం మన చేతుల్లో ఉండదు. అలాగని పూర్తిగా ఎవరికో తాకట్టు పెట్టకూడదు. రోజులో 23 గంటలు నీ వారి కోసమే ఖర్చు పెట్టు. కనీసం ఆ ఒక్క గంట అయినా నీ గురించి ఆలోచించు.. అలా అని నిన్ను లిమిట్స్ క్రాస్ అవ్వమనటం లేదు. ఆ గీత లో ఉండే నువ్వు అనుకున్నది చేయొచ్చు కదా అని అంటుంది ప్రవళిక.
మనసుంటే మార్గం ఉంటుంది తులసి. మనసుని చంపుకొని ఉంటే ఎవరూ ఏమీ చేయలేము.. గుండె మీద చేయి వేసుకుని చెప్పు పెళ్లికాకముందు నీ జీవితం గురించి నువ్వు కలలు కనలేదా అని తులసిని సూటిగా ప్రశ్నిస్తుంది ప్రవళిక. నీకంటూ ఇష్టాలు ఆశలు లేవా.. వాటన్నింటినీ ఎందుకు అని చంపేసుకుంటున్నావు. స్వేచ్ఛ పోగొట్టుకొని బ్రతికితే జైల్లో ఉన్న ఖైదీలకు మనకి తేడా ఏముంది.. బంధాలు, బాధ్యతలు మధ్య ఏ ఆడది అయినా కొద్దిసేపు తనకోసం తను బ్రతకాలి. అప్పుడే కదా జీవితం లేదా ఆశ పుట్టుకొస్తుంది.. మనసులో ఉత్సాహం కలుగుతుంది. నేను ఈ ఊరిలో ఎన్ని రోజులు ఉంటాను నాకు తెలీదు ఆ లోపు నీలో నేను మార్పు చూడాలి అని అనుకుంటున్నాను. చిన్నప్పటిలా చెంగుచెంగున గెంతుతూ తులసిని నేను చూడాలి అంటుంది. మార్పు ఇక్కడి నుంచే మొదలవ్వాలి. రేపు వాకింగ్ కు వచ్చేటప్పుడు జాగింగ్ డ్రెస్ వేసుకొని రా.. నేను వేసుకుంటే అందరూ నవ్వుతారు. నీకు నచ్చదు అని వేసుకోవా.. లేదంటే ఎవరైనా నవ్వుతారు అని వేసుకోవా అని ప్రవళిక అడుగుతుంది. ముందు నువ్వే నీ మైండ్ సెట్ మార్చుకో.. ఎవరికోసమో నీ ఇష్టాన్ని వదులుకోవలసిన పనిలేదు. నువ్వు ఈ రోజు ఎలాంటి పనులు పెట్టుకోకు. మనం ఈరోజు బయటకి వెళుతున్నాం.. ఎందుకు ఎక్కడికి నీ తులసి అడుగుతుంది ప్రశ్నలు అడగకూడదని చెప్పానుగా.. నువ్వు వస్తున్నావ్ అంతే..
- Read the latest news from NEWSORBIT
- Follow us on facebook , Twitter , instagram and Googlenews
అంకిత ఒక్కతే టిఫిన్ పెట్టుకొని తింటుంది. అంతలో వాళ్ళమ్మ గాయత్రి వచ్చి అల్లుడుగారు వచ్చేదాకా ఆగు అని అంటుంది. గాయత్రి మాటలు వినకుండా అంకిత టిఫిన్ చేస్తుంది. అభి వచ్చి మా అమ్మ వాళ్ళ ఇంటికాడ నుంచి వచ్చినప్పటినుంచి అంకిత ఇలాగే ప్రవర్తిస్తుంది ఆంటీ అని అంటాడు. అంకిత నీకు ఇక్కడికి రావటం ఇష్టం లేకపోతే మా అమ్మతో చెప్పి ఉండాల్సింది కదా అని అంటాడు. మా అమ్మ వాళ్ళ ఇంటికి రావడానికి నీకు ఇష్టమేనని ఆంటీకి అర్థం అయింది. అందుకే నిన్ను బలవంతంగా ఇక్కడికి పంపించింది. నేను రావటానికి ఇక్కడికి ఆంటీ నన్ను ఒప్పించింది అని అంటుంది అంకిత.
- Read the latest news from NEWSORBIT
- Follow us on facebook , Twitter , instagram and Googlenews
శృతి కి ఒంట్లో బాగోదు.దాంతో ప్రేమ్ శృతిని రెస్ట్ తీసుకోమని చెబుతాడు. ఆడవాళ్లు విశ్రాంతి తీసుకుంటే ప్రపంచం మొత్తం ఆగిపోతుంది ప్రేమ్ అని అంటుంది శృతి. మగవాడు తలచుకుంటే ఏదైనా చేయగలడు అని అంటాడు ప్రేమ్. నువ్వు రెస్ట్ తీసుకో ఈ రోజు ఇంట్లో పనులన్నీ చేస్తాను అని అంటాడు. ఇక వంట చేసి శృతిని అని అంటాడు. శృతి కి జ్వరం వస్తుంది. వెంటనే డాక్టర్ని పిలవడానికి వెళ్తాడు ప్రేమ్.
తులసి ఇంటికి వస్తుంది. ఇంట్లోకి రాగానే ఎక్కడికి వెళ్లావు అని వాళ్ళ అత్త అడుగుతుంది. జాగింగ్ కి వెళ్ళాను అత్తయ్య అని చెబుతుంది తులసి. ఏంటి నువ్వు జాగింగ్ కి వెళ్ళావా అని ఆశ్చర్యపోతూ అడుగుతుంది. ఏం వెళ్ళకూడదా అని వాళ్ళ మావయ్య అడుగుతాడు. తులసి వచ్చే మార్పును అనసూయమ్మ ఎలా రియాక్టు అవుతుందో రేపు చూద్దాం.
