Agent: అక్కినేని నాగార్జున న‌ట‌వార‌సుడిగా సినీ గ‌డ‌ప తొక్కిన అఖిల్ అక్కినేని.. `అఖిల్` మూవీతో హీరోగా ప‌రిచ‌యం అయ్యారు. ఆ త‌ర్వాత హలో, మిస్టర్ మజ్ను చిత్రాలు చేశాడు. కానీ, ఈ మూడు సినిమాలు బాక్సాఫీస్ వ‌ద్ద బోల్తా ప‌డ్డాయి. అయితే అఖిల్ నాల్గొవ ప్ర‌య‌త్నంగా చేసిన `మోస్ట్ ఎలిజిబుల్ బ్యాచ్‌ల‌ర్` మాత్రం మంచి విజ‌యం సాధించింది.
ఇక ప్ర‌స్తుతం ఈయ‌న `ఏజెంట్` అనే మూవీ చేస్తున్నాడు.స్టైలిష్ మేక‌ర్‌గా పేరున్న సురేంద‌ర్ రెడ్డి ఈ చిత్రానికి ద‌ర్శ‌క‌త్వం వ‌హిస్తుండ‌గా.. ఎ.కె.ఎంట‌ర్‌టైన్‌మెంట్స్, సురేంద‌ర్ 2 సినిమా బ్యాన‌ర్స్‌పై రామ బ్ర‌హ్మం సుంకర భారీ బ‌డ్జెట్‌తో నిర్మిస్తున్నారు. స్పై థ్రిల్ల‌ర్‌గా తెర‌కెక్కుతోన్న ఈ చిత్రంలో సాక్షి వైద్య హీరోయిన్‌గా చేస్తోంది.
- Read the latest news from NEWSORBIT
- Follow us on facebook , Twitter , instagram and Googlenews
అలాగే మ‌ల‌యాళ సూపర్ స్టార్ మ‌మ్ముట్టి కీలక పాత్ర‌ను పోషిస్తున్నారు. అయితే గ‌త కొద్ది నెలల నుంచీ ఈ సినిమాపై ఎలాంటి అప్డేట్ రాలేదు. ఇలాంటి త‌రుణంలో ఏజెంట్ ఆగిపోయింద‌ని, ప‌లు వివాదాల కార‌ణంగా డైరెక్ట‌ర్ సురేంద‌ర్ రెడ్డి ఈ మూవీ నుంచి త‌ప్పుకున్నార‌నే వార్త‌లు ఊపందుకున్నాయి. దీంతో అఖిల్ అభిమానుల్లో క‌ల‌వ‌రం మొద‌లైంది.
అయితే ఈ విష‌యంపై తాజాగా నిర్మాత అనీల్ సుంకర సోషల్ మీడియా ద్వారా ఫుల్ క్లారిటీ ఇచ్చారు. `ఏజెంట్ సినిమా కొత్త షెడ్యూల్‌ త్వరలోనే మనాలీలో ప్రారంభం కానుంది.టీజర్‌ అప్డేట్ కూడా మ‌రి కొద్ది రోజుల్లోనే ఇస్తాం. దయచేసి అఫీషియల్‌ ట్వీట్స్‌ మాత్రమే ఫాలో అవ్వండి. రూమర్స్‌ గురించి పట్టించుకోవద్దు` అంటూ ట్వీట్ చేశాడు. దీంతో సోషల్ మీడియాలో వస్తున్న క‌థ‌నాలు కేవ‌లం రూమార్సే అని తేలిపోయాయి.
