Akkineni Heros: పాన్ ఇండియన్ సినిమాలకు అక్కినేని హీరోలు దూరమా.. పనికిరారా..? ప్రస్తుతం సోషల్ మీడియాలో దీనికి సంబంధించిన వార్తలు వచ్చి వైరల్ అవుతున్నాయి. అందుకు కారణం ఇప్పటి వరకు అక్కినేని ఫ్యామిలీ స్టార్ హీరోలు నాగార్జున, నాగ చైతన్య, అఖిల్ సహా సుమంత్, సుశాంత్ ఒక్క సినిమాలో కూడా నటించకపోవడమే. ముందు నుంచి అక్కినేని నాగార్జున ప్రయోగాలు చేసేందుకు ఎప్పుడూ ముందుంటారు. మనం లాంటి సినిమా చేయాలంటే ఎంతో ధైర్యం కావాలి. నిర్మాతగా, నటుడిగా కూడా మనం లాంటి సినిమాను ఒప్పుకోని సినిమాగా రూపొందించడం అంటే మాటలు కాదు.
కానీ, నాగార్జున దర్శకుడిని, స్క్రిప్టును నమ్మాడు. అందుకే మనం ఇండస్ట్రీలో ఓ సంచలన విజయం అందుకుంది. ఇలాంటి సినిమాను మళ్ళీ మెగా అభిమానులతో పాటు మిగతా ఫ్యామిలీ హీరోలందరూ చేయాలని ప్రయత్నిస్తున్నారు. కానీ మనం లాంటి సినిమా కథ దొరకడం లేదు. అయితే, తెలుగులో బాహుబలి సిరీస్‌ పాన్ ఇండియన్ సినిమాల మేకింగ్ బాగా పెరిగింది. ప్రభాస్ మాదిరిగా ఇంటర్నేషనల్ స్టార్ పాన్ ఇండియన్ స్టార్ అనిపించుకోవాలని అందరూ ట్రై చేస్తున్నారు. ప్రభాస్ తర్వాత అల్లు అర్జున్, రామ్ చరణ్, ఎన్.టి.ఆర్ ఆ క్రేజ్‌ను దక్కించుకున్నారు.
Akkineni Heros: వీరికి పాన్ ఇండియన్ రేంజ్ లేదని..కామెంట్స్ ..?
ఇక అందరి ఫోకస్ ఇప్పుడు అక్కినేని హీరోల మీదే పడింది. నాగార్జున గానీ, నాగ చైతన్య, అఖిల్ మిగతా అక్కినేని హీరోలు ఇప్పటికే కొన్ని ప్రాజెక్ట్స్ కమిటయ్యారు. కానీ, వీటిలో ఇప్పటి వరకు ఒక్క పాన్ ఇండియన్ సినిమా కూడా లేకపోవడం ఆశ్చర్యకర మనే చెప్పాలి. అన్నిటికీ ముందే నాగార్జున పాన్ ఇండియన్ సినిమాలకు ఎందుకు దూరంగా ఉంటున్నాడు..బడ్జెట్ కేటాయించడం ఇష్టం లేకనా లేక అనవసరంగా రిస్క్ చేయడం ఎందుకనా అని అర్థం కావడం లేదంటున్నారు అభిమానులు. నెటిజన్స్ మాత్రం వీరికి పాన్ ఇండియన్ రేంజ్ లేదని..కామెంట్స్ చేస్తున్నారు.
