NTR 30: సక్సెస్ ఫుల్ డైరెక్టర్ కొరటాల శివ దర్శకత్వంలో యంగ్ టైగర్ ఎన్టీఆర్ ఓ భారీ బడ్జెట్ పాన్ ఇండియా సినిమాను చేయబోతున్నారు. ఇటీవలే ఆర్ఆర్ఆర్ సినిమాతో భారీ సక్సెస్‌ను అందుకున్న తారక్ ఇప్పుడు పాన్ ఇండియా స్టార్. ఆ రేంజ్‌కు తగ్గట్టే తన ఫ్యూచర్ ప్రాజెక్ట్స్‌ను ప్లాన్ చేసుకుంటున్నారు. ఇప్పటికే టాలీవుడ్ అగ్ర దర్శకులతో పాటు బాలీవుడ్ స్టార్ డైరెక్టర్స్‌తో కూడా భారీ ప్రాజెక్ట్స్ ప్లాన్ చేస్తున్నారు. ఇక ఈ ఏడాది తన 30వ సినిమా మొదలవబోతున్న సంగతి తెలిసిందే.
ఈ సినిమా ఎన్టీఆర్ ఆర్ట్స్ పతాకంపై కళ్యాణ్ రామ్.. సుధాకర్ మిక్కిలినేనితో కలిసి భారీ బడ్జెట్‌తో నిర్మించబోతున్నారు. అయితే, ఈ సినిమాలో హీరోయిన్‌గా బాలీవుడ్ బ్యూటీ, ఆర్ఆర్ఆర్ సినిమాతో టాలీవుడ్ ఎంట్రీ ఇచ్చిన ఆలియా భట్ నటించబోతుందని ఈ మధ్య సోషల్ మీడియాలో వార్తలు వచ్చాయి. ఈ సినిమాలో నటిస్తున్నందుకు గానూ ఆలియా భారీ రెమ్యునరేషన్ అందుకుంటుందని ప్రచారం జరుగుతోంది. ఇంతలోనే ఆలియా ఎన్టీఆర్ 30 నుంచి తప్పుకుందని సోషల్ మీడియాలో వార్తలు మొదలయ్యాయి.
NTR 30: ఈ లోపు ఆలియా విషయంలో క్లారిటీ వస్తుందేమో..?
దీనికి కారణం ఈ నెలలోనే ఆలియా రణ్‌బీర్‌ను పెళ్లి చేసుకోబోతుంది. అందుకే, తాను ‘ఎన్టీఆర్ – కొరటాల’ సినిమా నుంచి తప్పుకుందని రూమర్స్ వినిపిస్తున్నాయి. కానీ, ఇప్పటి వరకు ఈ విషయాన్ని చిత్రబృందం గానీ, హీరోయిన్ ఆలియా భట్ గానీ కన్‌ఫర్మ్ చేయలేదు. మరి, ఈ వార్తలలో ఎంతవరకు నిజముందో తెలియాలంటే ఆలియా వైపునుంచి గానీ లేదా మేకర్స్ వైపునుంచి గానీ అఫీషియల్ అప్‌డేట్ రావాలి. కాగా, ఈ చిత్రాన్ని జూన్ మొదటి వారం నుంచి రెగ్యులర్‌ షూటింగ్‌ కోసం సెట్స్ మీదకు తీసుకు రాబోతున్నారు. ఈ లోపు ఆలియా విషయం లో క్లారిటీ వస్తుందేమో చూడాలి.
