Chiranjeevi: మెగాస్టార్ నటిస్తున్న తాజా చిత్రాలు అన్నీ ఇప్పుడు సెట్స్ మీద ఉన్న సంగతి తెలిసిందే. ఇప్పటికే ఆచార్య సినిమా రిలీజ్ డేట్ కూడా లాక్ చేసుకుంది. ఈ సినిమాలో మెగా పవర్ స్టార్ రామ్ చరణ్ కూడా ఓ హీరోగా నటిస్తున్నారు. కాజల్ అగర్వాల్, పూజా హెగ్డేలు హీరోయిన్స్గా నటించారు. సంగీత, రెజీనా ప్రత్యేక పాటలలో నటిస్తున్న ఈ సినిమాని స్టార్ డైరెక్టర్ కొరటాల శివ తెరకెక్కించారు. ఇక ఈ సినిమాను ఏప్రిల్ 29న పాన్ ఇండియా రేంజ్ లో విడుదల చేసేందుకు రెడీ అవుతున్నారు. ఈ సినిమాతో పాటుగా మలయాళ సూపర్ హిట్ మూవీ ‘లూసీఫర్’ ఆధారంగా ‘గాడ్ ఫాదర్’ సినిమాను చేస్తున్నారు.
ఈ సినిమాకు మోహన్ రాజా దర్శకుడు అనే విషయం తెలిసిందే. ఇక ఈ క్రమంలోనే అజిత్ నటించిన తమిళ బ్లాక్ బస్టర్ మూవీ ‘వేదాలం’ ఆధారంగా ‘భోళా శంకర్’ మూవీ చేస్తున్నారు. స్టార్ హీరోయిన్ కీర్తి సురేష్ ఈ సినిమాలో మెగాస్టార్ కు చెల్లెలుగా నటిస్తుంది. మెహర్ రమేష్ డైరెక్ట్ చేస్తున్న ఇందులో తమన్నా కథానాయిక. ఇక ఈ సినిమా ప్రస్తుతం చిత్రీకరణ జరుపుకుంటోంది. అలాగే, యంగ్ డైరెక్టర్ బాబీ దర్శకత్వంలో ఓ మాస్ యాక్షన్ ఎంటర్ టైనర్ చేసేందుకు చిరు గ్రీన్ సిగ్నల్ ఇచ్చారు. మైత్రీ మూవీ మేకర్స్ అత్యంత భారీ బడ్జెట్తో నిర్మిస్తున్నారు. ఇందులో ఓ కీలక అతిథి పాత్రలో మాస్ మహారాజా రవితేజ నటిస్తున్నారు.
Chiranjeevi: ‘అనగనగా ఒక రౌడీ’ గా మార్చుకున్నారు.
అయితే, ఈ సినిమా టైటిల్ విషయంలో ఓ కథ నడించిందట. ఈ సినిమాకి ‘వాల్తేరు వీరయ్య’ అనే టైటిల్ పెట్టబోతున్నట్టు టాక్ వినిపిస్తోంది. వాస్తంగా ఈ టైటిల్కు దగ్గరగా ‘వాల్తేరు శ్రీను’ పేరుతో అక్కినేని హీరో సుమంత్ సినిమా చేస్తున్నాడు. ఈ విషయం తెలిసి చిరు బృందం టైటిల్ మార్చుకోమని సంప్రదించారట. చిరు టీం రిక్వెస్ట్ను అంగీకరించిన ఆ చిత్రబృందం తమ సినిమా టైటిల్ ‘అనగనగా ఒక రౌడీ’ గా మార్చుకున్నారు. దీంతో చిరు – బాబీ సినిమా టైటిల్ ‘వాల్తేరు వీరయ్య’గా మేకర్స్ ఫైనల్ చేసినట్టుగా విశ్వసనీయ వర్గాల తెలిసిన సమాచారం. కాగా, ఇప్పటికే ఈ మూవీ నుంచి వచ్చిన చిరు మాస్ లుక్ అదిరిపోయింది.