Bheemla Nayak: హిందీలో పవన్ కళ్యాణ్కు డబ్బింగ్ చెప్పలేకపోయారా..? ప్రస్తుతం టాలీవుడ్ వర్గాలలో ఇదే టాక్ వినిపిస్తోంది. మన టాలీవుడ్ హీరోలు హిందీలో స్ట్రైట్ సినిమాలను చేసేందుకు రెడీ అవుతున్నారు. అయితే, అక్కడ భాషలో డబ్బింగ్ మాత్రం చెప్పుకోవడానికి సాహసం చేయలేకపోతున్నారు. దీనికి కారణం ..ముఖ్యంగా హిందీ భాషపై పట్టు లేకపోవడమే. ఇటీవల పవర్ స్టార్ పవన్ కళ్యాణ్ హీరోగా నటించిన మోస్ట్ క్రేజీ మూవీ భీమ్లా నాయక్. ఇందులో రానా మరో హీరోగా నటించిన సంగతి తెలిసిందే.
నిత్యా మీనన్, సంయుక్త మీనన్ హీరోయిన్గా నటించిన ఈ సినిమాకు సాగర్ కే చంద్ర దర్శకత్వం వహించారు. గత నెల చివరిలో ప్రేక్షకుల ముందుకు వచ్చిన భీమ్లా నాయక్ భారీ విజయాన్ని సాధించింది. కరోనా ప్యాండమిక్ తర్వాత వచ్చిన ఈ సినిమా రికార్డుల వర్షం కురిపిస్తూ భారీగా వసూళ్లను రాబడుతోంది. అంతేకాదు పవన్ కళ్యాణ్ కెరీర్ లోనే ఈ సినిమా భారీ సక్సెస్ అందుకున్న సినిమా భీమ్లా నాయక్ నిలుస్తుందని దర్శక, నిర్మాతలు ముందు నుంచి చాలా నమ్మకంగా చెబుతూ వచ్చారు. ఇప్పుడు వారు చెప్పినట్టుగానే నమ్మకం వమ్ము కాకుండా రికార్డు స్థాయి ఓపెనింగ్స్ రావడం..ఆ తర్వాత భారీ హిట్ సాధించడం జరిగిపోయాయి.
Bheemla Nayak: ట్రైలర్లో వినిపించింది ఇతని వాయిసే.
ఇదిలా ఉంటే త్వరలో భీమ్లా నాయక్ సినిమాను బాలీవుడ్లో కూడా రిలీజ్ చేయబోతు న్నారు. ఇప్పటికే డబ్బింగ్ కార్యక్రమాలు కూడా పూర్తయ్యాయి. అందుకే, ఇటీవల హిందీ లో ట్రైలర్ కూడా రిలీజ్ చేశారు. అక్కడ భీమ్లా నాయక్ హిందీ ట్రైలర్కు ట్రెమండస్ రెస్పాన్స్ వచ్చింది. దీంతో ఇప్పుడు హిందీ వెర్షన్ మీద బాలీవుడ్ ప్రేక్షకుల్లో భారీగా అంచనాలు పెరిగాయి. కాగా, పవన్ కళ్యాణ్ పోషించిన భీమ్లా నాయక్ పాత్రకు హిందీలో డబ్బింగ్ చెప్పడం చాలా కష్టం అయిందట. ముందు పవన్తో హిందీ డబ్బింగ్ చెప్పించా లనుకున్నారట. కానీ, పవన్ షూటింగ్తో బిజీ కావడంతో హిందీలో హీరోలను ట్రై చేశారట. ఫైనల్గా అక్కడ ప్రముఖ టీవీ ఆర్టిస్ట్ అయిన గౌరవ్ చోప్రాతో చెప్పించారట. ట్రైలర్లో వినిపించింది ఇతని వాయిసే. పవన్కు బాగా సూటయిందని చెప్పుకుంటు న్నారు.