NTR 30: ఆర్ఆర్ఆర్ సినిమా భారీ సక్సెస్‌తో ఇప్పుడు ఎన్టీఆర్ – కొరటాల సినిమా బడ్జెట్ అమాంతం పెరిగిపోయిందని తాజాగా సోషల్ మీడియాలో వార్తలు వస్తున్నాయి. ఇటీవలే రాజమౌళి దర్శకత్వంలో వచ్చిన ఆర్ఆర్ఆర్ సినిమాతో తారక్ పాన్ ఇండియన్ స్టార్‌గా మారారు. దాంతో ఆయన నటించే తదుపరి సినిమాలను కూడా అదే స్థాయిలో ఉండేలా ప్లాన్ చేసుకుంటున్నారు. ఈ నేపథ్యంలోనే తారక్‌తో సినిమాలు చేసే దర్శక, నిర్మాతలు భారీ బడ్జెట్ తో సినిమాలు ప్లాన్ చేస్తున్నారట. ఆర్ఆర్ఆర్ సక్సెస్ మూడ్ నుంచి ఎన్టీఆర్ ఇంకా బయటకు రాలేదనే చెప్పాలి.
ఫుల్ జోష్‌లో ఉన్న ఎన్టీఆర్ త్వరలో సక్సెస్‌ఫుల్ డైరెక్టర్ కొరటాల శివ దర్శకత్వంలో సినిమా మొదలు పెట్టబోతున్నారు. బాలీవుడ్ స్టార్ హీరోయిన్ ఆలియా భట్ ఇందులో హీరోయిన్‌గా నటించబోతుంది. ఇక తారక్ తన 30వ చిత్రాన్ని అత్యంత భారీ బడ్జెట్‌తో తెరపైకి తీసుకు రావాలని ప్లాన్ చేస్తున్నట్టు లేటెస్ట్ న్యూస్. ఈ సినిమా కోసం ముందు అనుకున్న బడ్జెట్ రూ 200 కోట్లట. కాని, ఆర్ఆర్ఆర్ తర్వాత పాన్ ఇండియా రేంజ్‌లో తారక్ మార్కెట్ పెరిగింది కాబట్టి ఇప్పుడు ఏకంగా 300 కోట్ల బడ్జెట్ ని కేటాయిస్తున్నట్టు సమాచారం.
NTR 30: త్వరలో అధికారికంగా లాంఛింగ్ డేట్‌
ఇక ఎన్టీఆర్ 30లో తన సత్తాను, నట విశ్వరూపాన్ని కొరటాల శివ సిల్వర్ స్క్రీన్ మీద గ్రాండ్‌గా చూపించబోతున్నట్టు ఇండస్ట్రీలో టాక్ వినిపిస్తోంది. ఇందు కోసం ఎన్టీఆర్ పై మాసీవ్ యాక్షన్ సీన్స్ ప్లాన్ చేస్తున్నారని.. ఈ సీన్స్ అభిమానులనే కాక అన్నీ వర్గాల వారిని విపరీతంగా ఆకట్టుకుంటాయని మేకర్స్ చెబుతున్నారు. కాగా, ఈ చిత్రాన్ని జూన్ మొదటి వారంలో అత్యంత భారీ స్థాయిలో లాంఛనంగా ప్రారంభించి అలాగే రెగ్యులర్ షూటింగ్ షెడ్యూల్స్
మొదలు పెట్టనున్నారు. త్వరలో అధికారికంగా లాంఛింగ్ డేట్‌ను ప్రకటించనున్నారు.
