Raviteja: మాస్ మహారాజాతో పెట్టుకుంటే మడతడిపోవడం గ్యారెంటీనా..? అంటూ రవితేజ అభిమానులు ఇప్పుడు మాట్లాడుకుంటున్నారట. అందుకు కారణం ఆయనతో ఓ యంగ్ హీరో పోటీ పడుతుండటమే. ఒకే కథతో ఒకేసారి సినిమాలుగా వచ్చి బాక్సాఫీస్ వద్ద సత్తా చాటిన హీరోలున్నారు. భారీ హిట్స్ అందుకున్నారు.. అలాగే ఒక హీరోకు హిట్ దక్కి..మరో హీరోకు ఫ్లాప్ పడిన సందర్భాలు ఇప్పటి వరకు చాలానే జరిగాయి. అంతే కాదు ఒకే ఫ్యామిలీలోని ఇద్దరు స్టార్ హీరోలు ఒకే పాయింట్‌తో తెరకెక్కిన సినిమాలలో నటించి ఇద్దరు బ్లాక్ బస్టర్స్ అందుకున్నారు. వారే నందమూరి సోదరులు యంగ్ టైగర్ ఎన్.టి.ఆర్, కళ్యాణ్ రామ్.
ఆ సినిమాలే టెంపర్, పటాస్. పూరి జగన్నాథ్ దర్శకత్వంలో ఎన్.టి.ఆర్, కాజల్ అగర్వాల్ జంటగా వచ్చిన టెంపర్ భారీ కమర్షియల్ హిట్ సాధించింది. ఇక దర్శకుడు అనిల్ రావిపూడి ఇండస్ట్రీకి పరిచయమవుతూ కళ్యాణ్ రామ్, శృతి సోడి జంటగా రూపొందిన సినిమా పటాస్ కూడా భారీ హిట్ అందుకుంది. రెండు కథలు ఒకటే అని తెలిసి కళ్యాణ్ రామ్ పూరి దగ్గరకు వెళితే ఆయన చెప్పిన మాట ఒకటే..ఇండస్ట్రీలో వచ్చే కథలన్నీ ఒకటే భయ్యా. ఎవడి స్టైల్ వాడిది. మీరు మీ సినిమాను తీయండి..మై హూనా అని ధైర్యం చెప్పారు. అలాగే రెండు సినిమాలు ఎంతటి సక్సెస్ సాధించాయో అందరికీ తెలిసిందే. అయితే అక్కడ ఉంది ఇద్దరూ పెద్ద హీరోలు.
Raviteja: ‘స్టువర్ట్ పురం దొంగ’ ఎంతవరకు హిట్ సాధిస్తుందనేది ఇప్పుడు హాట్ టాపిక్‌
కానీ, ఇక్కడ ఉంది మాస్ మహారాజ రవితేక ఒకరైతే మరొకరు కెరీర్ ప్రారంభం నుంచి పెద్ద కమర్షియల్ సక్సెస్ కోసం ఎదురుచూస్తున్న బెల్లకొండ సాయి శ్రీనివాస్. స్టువర్ట్ పురం గజదొంగ, టైగర్ నాగేశ్వరరావు జీవిత కథ తో ఇప్పుడు రవితేజ, బెల్లంకొండ సాయి శ్రీనివాస్ సినిమాలు చేస్తున్నారు. ఇద్దరికి ఇది ఫస్ట్ బయోపిక్ మూవీ కావడం విశేషం. అయితే రవితేజ పెద్ద హీరో..భారీ హిట్స్ ఉన్నాయి. ఇప్పుడు అరడజను సినిమాలున్నాయి. ఇక బెల్లంకొండ శ్రీనివాస్ బాలీవుడ్ డెబ్యూ మూవీతో పాటు ‘స్టువర్ట్ పురం దొంగ’ సినిమాను చేస్తున్నారు. రవితేజ చేస్తున్న అరడజను సినిమాలో ‘టైగర్ నాగేశ్వర రావు’ ఒకటి. మరి మాస్ మహారాజతో పోటీగా బెల్లకొండ శ్రీనివాస్ చేస్తున్న ‘స్టువర్ట్ పురం దొంగ’ ఎంతవరకు హిట్ సాధిస్తుందనేది ఇప్పుడు హాట్ టాపిక్‌గా మారింది.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!