Samantha-Nayanthara: లేడీ సూపర్ స్టార్ నయనతార పెళ్లి పీటలెక్కబోతున్న సంగతి తెలిసిందే. కోలీవుడ్ డైరెక్టర్, నిర్మాత విఘ్నేశ్ శివన్ తో ఆమె జూన్ 9న ఆమె ఏడడుగులు వేయబోతోంది. గత ఆరేళ్ల నుంచి ప్రేమాయణం నడిపిస్తున్న ఈ జంట.. ఇప్పుడు పెళ్లి చేసుకునేందుకు సిద్ధం అయ్యారు. తమిళనాడులోని మహబలిపురంలో ఓ ప్రముఖ రిసార్ట్ వీరి వివాహానికి వేదిక కానుంది.పెళ్లికి అన్ని ఏర్పాట్లు పూర్తి అయ్యాయని తెలుస్తోంది. ఇక నయనతార తన సన్నిహితులకు వెడ్డింగ్ ఇన్వెటేషన్ పంపిందట. ఈ లిస్ట్లో సమంత కూడా ఉందట. అయితే సామ్ నయన్-విఘ్నేశ్ల వివాహానికి హాజరు అయ్యే అవకాశాలు లేవని అంటున్నారు. ఇందుకు కారణం సామ్ `ఖుషీ` మూవీ షూటింగ్ తో బిజీగా ఉండటమే అట.
- Read the latest news from NEWSORBIT
- Follow us on facebook , Twitter , instagram and Googlenews
డైరెక్టర్ శివ నిర్వాణ ఈ చిత్రాన్ని తెరకెక్కిస్తున్నాడు. ప్రముఖ నిర్మాణ సంస్థ మైత్రీ మూవీ మేకర్స్ బ్యానర్ పై నవీన్ యేర్నేని, రవిశంకర్ యలమంచిలి ఈ మూవీని నిర్మిస్తున్నారు. కాశ్మీర్ లో ఈ మూవీ ఫస్ట్ షెడ్యూల్ ను పూర్తి కాగా.. సెకెండ్ షెడ్యూల్ను హైదరాబాద్లో ప్రారంభించారు మేకర్స్. ఈ చిత్ర సెకండ్ షెడ్యూల్ చాలా బిజీగా సాగుతోంది.
షూటింగ్ పక్కన పెట్టి నయన్-విఘ్నేశ్ల వెడ్డింగ్ కి హాజరు అయ్యే అవకాశాలు లేవని, నయన్కు సామ్ హ్యాండ్ ఇవ్వబోతోందని జోరుగా ప్రచారం జరుగుతోంది. మరి నిజంగానే సమంత పెళ్లికి డుమ్మా కొడుతుందా..? లేక షూటింగ్ నుంచి బ్రేక్ తీసుకుని మ్యారెజ్కు వెళ్తుందా..? అన్నది తెలియాల్సి ఉంది.