Sukumar – Vijay Devarakonda: పాన్ ఇండియన్ డైరెక్టర్ సుకుమార్ – పాన్ ఇండియన్ స్టార్ హీరో విజయ్ దేవరకొండ కాంబినేషన్లో తెరకెక్కాల్సిన సినిమా అటకెక్కిందా..! ప్రస్తుతం సోషల్ మీడియాలో ఇదే వార్త వచ్చి చక్కర్లు కొడుతోంది. ఈ కాంబినేషన్లో సినిమాను మేకర్స్ ప్రకటించి దాదాపు రెండేళ్ళవుతోంది. కానీ, కరోనా కారణంగా ఈ ప్రాజెక్ట్ డిలే అయింది. ఇక సుకుమార్ – అల్లు అర్జున్ కాంబినేషన్లో పుష్ప సినిమా మొదలవడంతో ఆ ప్రాజెక్ట్ మీదే సుకుమార్ బిజీ అయిపోయాడు. గత ఏడాది వచ్చిన ఈ సినిమా బాక్సాఫీస్ను షేక్ చేసింది.
పాన్ ఇండియన్ రేంజ్లో విడుదలై 5 భాషలలో భారీ సక్సెస్ సాధించింది. దాంతో ఈ సినిమా సీక్వెల్ కూడా సుకుమార్ ప్లాన్ చేశాడు. రష్మిక మందన్న హీరోయిన్గా నటిస్తోంది. మైత్రీ మూవీ మేకర్స్, ముత్తంశెట్టి మీడియా కలిసి ఈ సినిమాను నిర్మిస్తున్నాయి. ఈ సినిమా ఇంకా షూటింగ్ మొదలవలేదు. వాస్తవంగా ఫిబ్రవరి నెలలోనే ఈ సినిమా సెట్స్ మీదకి వెళ్ళాల్సింది. కానీ, స్క్రిప్ట్లో పలు మార్పులు చేసిన నేపథ్యంలో ఆలస్యం అయింది. జూన్ లేదా జూలై నెల నుంచి పుష్ప సీక్వెల్ మొదలవబోతోంది. ఈ సినిమా కంప్లీట్ అవడానికి ఈ ఏడాది పూర్తవుతుంది.
Sukumar – Vijay Devarakonda: అది ఖచ్చితంగా పాన్ ఇండియన్ రేంజ్లో..
ఇక విజయ్ దేవరకొండ పూరి జగన్నాథ్ దర్శకత్వంలో లైగర్ సినిమాని చేస్తున్నాడు. ఇప్పటికే ఈ సినిమా షూటింగ్ కూడా పూర్తైంది. మళ్ళీ ఇదే కాంబినేషన్లో జనగణమన మొదలైంది. కాబట్టి ఈ ఏడాది విజయ్ బిజీ. అయితే, సుకుమార్ పుష్ప 2 తర్వాత విజయ్తో సినిమా చేస్తారా అంటే కొన్ని సందేహాలున్నాయి. ఇప్పటికే మెగాస్టార్తో సుకుమార్ ఓ సినిమా చేయాల్సి ఉంది. ఆ తర్వాత విజయ్ సినిమా ఉండాలి. అప్పటి వరకు ఇదే కాంబినేషన్ ఉంటుందా లేదా ప్రాజెక్ట్ అటకెక్కుతుందా చూడాలి. ఇకవేళ వస్తే మాత్రం అది ఖచ్చితంగా పాన్ ఇండియన్ రేంజ్లో ఉంటుందనడంలో ఏమాత్రం డౌట్స్ అవసరం లేదు.