Samantha: సమంతతో సైన్ చేయించడానికి మాటల మాంత్రీకుడు ఇంత ట్రై చేస్తున్నాడా..! ప్రస్తుతం సోషల్ మీడియాలో అలాగే నెటిజన్స్ కొందరు ఇదే చర్చించుకుంటున్నారట. త్రివిక్రం ఎప్పుడు తన కంఫర్ట్ చూసుకుంటారు. తన దర్శకత్వంలో నటించిన హీరోయిన్తో మంచి బాండింగ్ ఏర్పరచుకొని లక్కీ హీరోయిన్గా భావిస్తుంటారు. అందుకే బ్యాక్ టు బ్యాక్ ఒకే హీరోయిన్ను తన సినిమాలలో రిపీట్ చేస్తూ ఉంటారు. అందుకే త్రివిక్రం సినిమాలలో ఎక్కువ మంది హీరోయిన్స్ కనిపించరు. ఇప్పటి వరకు ఆయన ఎక్కువగా రిపీట్ చేసింది ఇలియానా, సమంత, పూజా హెగ్డే.
వీరిని తన సినిమాలలో బాగా చూపించడమే కాదు మంచి క్రేజ్ కూడా తీసుకొచ్చి పెట్టారు. అందుకే వీరంతా త్రివిక్రం సినిమా అంటే చాలు రెడీ అయిపోతారు. ప్రస్తుతం పూజా హెగ్డే అంటే బాగా ఆసక్తి చూపిస్తున్నారు త్రివిక్రం. అల వైకుంఠపురములో, అంతక ముందు అరవింద సమేత చిత్రాలలో పూజాను తీసుకున్న త్రివిక్రం బ్యాక్ టు బ్యాక్ భారీ హిట్స్ ఇచ్చాడు. అంతేకాదు పూజాకు ఈ రేంజ్ క్రేజ్ రావడానికి కూడా త్రివిక్రం ప్రధాన కారణం అని చెప్పక తప్పదు. అందుకే ఆయన కొత్తగా సూపర్ స్టార్ మహేశ్ బాబుతో చేయబోయే సినిమాకు కూడా పూజా హెగ్డేనే తీసుకోనున్నారని టాక్ వినిపిస్తోంది.
Samantha: పూజా హెగ్డే కాకుండా సమంతను తీసుకోవాలని ఆలోచనలో పడ్డారట.
అయితే ఈ మధ్య మళ్ళీ త్రివిక్రం పూజా హెగ్డే కాకుండా సమంతను తీసుకోవాలని ఆలోచనలో పడ్డారట. చాలా వరకు మళ్ళీ మహేశ్ – త్రివిక్రం సినిమాలో సమంతనే ఫైనల్ అయిందని వార్తలు వస్తున్నాయి. ప్రస్తుతం సమంత వరుస ప్రాజెక్ట్స్తో చాలా బిజీగా ఉంది. అంతేకాదు ఇప్పుడు ఆమె ఫోకస్ మొత్తం బాలీవుడ్ మీద పెట్టింది. అందుకే ఎలాగైనా తన సినిమాలో సమంతను లాక్ చేయడానికి గట్టిగానే ట్రై చేస్తున్నారని ఇప్పుడు వార్తలు వస్తున్నాయి. ఒకవేళ మహేశ్ సినిమాలో సమంత ఫైనల్ అయితే మాత్రం టాలీవుడ్లో సమంతకు మరో బ్లాక్ బస్టర్ గ్యారెంటీ అనుకోవచ్చు. చూడాలి మరి ఏం జరుగుతుందో.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!