Prashanth Neel: ప్రశాంత్ నీల్..ప్రస్తుతం పాన్ ఇండియన్ డైరెక్టర్స్లో మంచి క్రేజ్ ఉన్న దర్శకుడు. దీనికి కారణం కేవలం రెండు సినిమాలే. ఉగ్రమ్ సినిమాతో కన్నడ ఇండస్ట్రీలో దర్శకుడిగా మారిన ప్రశాంత్ నీల్ కేజీఎఫ్ ఛాప్టర్ 1తో దేశ వ్యాప్తంగా మంచి పాపులారిటీ దక్కించుకున్నాడు. ఈ ఒక్క సినిమా ఆయనకు టాలీవుడ్లో వరుసగా భారీ చిత్రాలను తెరకెక్కించే అవకాశాలు కల్పించింది. ఇక తాజాగా కేజీఎఫ్ 1కు సీక్వెల్గా వచ్చిన చాప్టర్ 2 పాన్ ఇండియన్ రేంజ్లో భారీ హిట్ సాధించింది. తెలుగుతో పాటు హిందీ కన్నడ మలయాళం తమిళ భాషల్లో హిట్ సాధించిది.
- Read the latest news from NEWSORBIT
- Follow us on facebook , Twitter , instagram and Googlenews
ఆర్ఆర్ఆర్ సినిమా అంత కాకపోయినా బాక్సాఫీస్ వద్ద వసూళ్ళ పరంగా భారీ స్థాయిలో రాబడుతోంది. కథ, కథనం ఆసక్తికరంగా లేకపోయినా కూడా ప్రశాంత్ నీల్ తెరకెక్కించిన భారీ యాక్షన్ సీన్స్, యష్ పర్ఫార్మెన్స్ సినిమా భారీ సక్సెస్ కావడానికి కారణం అయ్యాయి. కథ ఎక్కడుందీ కేజీఎఫ్ 2లో అని వెతుక్కుంటున్న వారు కూడా యాక్షన్ సీక్వెన్స్ అధ్భుతంగా ఉన్నాయని కితాబిస్తున్నారు. ఒకరకంగా చెప్పాలంటే ఈ యాక్షన్ సీన్స్ దర్శకుడు రాజమౌళి కంటే బాగా తీశాడని చెప్పుకుంటున్నారు.
- Read the latest news from NEWSORBIT
- Follow us on facebook , Twitter , instagram and Googlenews
Prashanth Neel: అంత ఈజీగా అందరికీ సాధ్యపడదు కదా.
అంతేకాదు, ఇప్పుడు పాన్ ఇండియన్ డైరెక్టర్గా రాజమౌళితో సమానం ప్రశాంత్ నీల్ అని కేజీఎఫ్ 2 తర్వాత కొందరు అంటున్నారు. అయితే, కేజీఎఫ్ సిరీస్ తర్వాత నెగిటివ్ కామెంట్స్ ఎక్కువగానే వచ్చాయి. మేకింగ్ పరంగా ఒకే అనిపించుకున్న బలమైన ఎమోషన్స్.. సెంటిమెంట్ సీన్స్ లేవని చెప్పుకుంటున్నారు. ఇక ప్రశాంత్ నీల్ను రాజమౌళితో కంపేర్ చేయాలంటే అది సలార్ తర్వాతే అని..ఆ సినిమా మేకింగ్, అందుకునే సక్సెస్ ..వచ్చే క్రెడిట్ ..ఇవన్నీ బేరీజు వేసిన తర్వాతే జక్కన్నకు ప్రశాంత్ నీల్ సమానం అని చెప్పొచ్చు తప్ప ఇప్పుడే చెప్పుకోవడం కరెక్ట్ కాదంటున్నారు. మరి బాహుబలి, ఆర్ఆర్ఆర్ సినిమాలతో రాజమౌళి అందుకున్న క్రెడిట్ అలాంటిది. అంత ఈజీగా అందరికీ సాధ్యపడదు కదా.