జగపతిబాబు అలియాస్ జగ్గూభాయ్ క్యారెక్టర్ ఆర్టిస్ట్గా, విలన్గా చాలా బిజీగా ఉన్నాడు. దక్షిణాది, ఉత్తరాది చిత్రాల్లో నటిస్తున్న ఈయన ఇప్పుడు బాలకృష్ణ 105వ చిత్రంలో నటించబోతున్నారు. `జైసింహా` తర్వాత బాలకృష్ణ, కె.ఎస్.రవికుమార్, సి.కల్యాణ్ కాంబినేషన్లో రాబోయే సినిమా ఇది. అలాగే `లెజెండ్` తర్వాత మరోసారి బాలకృష్ణతో జగపతిబాబు విలన్గా ఢీ అంటే ఢీ అనబోతున్నారు. ఆసక్తికరమైన విషయమేమంటే ఇందులో జగపతిబాబు డబుల్ రోల్లో నటించబోతున్నారట. బాలకృష్ణ పోలీస్ ఆఫీసర్గా నటిస్తారు. రీసెంట్గా ఈ చిత్రానికి `రూలర్` అనే టైటిల్ను రిజిష్టర్ చేయించారు. మే 17న లాంఛనంగా ప్రారంభం కాబోయే ఈ సినిమా రెగ్యులర్ షూటింగ్ జూన్ నుండి ప్రారంభం అవుతుంది. వచ్చే ఏడాది సంక్రాంతికి సినిమాను విడుదల చేయాలనుకుంటున్నారు.